| e-texts navigator |
| Wylie |
168a1 མོ་རྒྱུག་ཅིང་བླ་སྲོག་སྡུད།། མཚན་མོ་རྒྱུ་ཞིང་སྲོག་དབུགས་གཅོད།། དམག་དཔོན་ཆེན་པོའི་དུས་ལ་བབ།། གཟའ་མཆོག་ཆེན་པོའི་དུས་ལ་བབ།། དབང་ཕྱུག་ཆེན་པོའི་དུས་ལ་བབ།། ནམ་མཁའི
168a2 དཀྱིལ་ནས་འབྲུག་བསྒྲགས་ཤིང་།། བར་སྣང་ཁམས་ནས་གློག་ཆེན་འཁྱུག། ས་ཡི་དཀྱིལ་དུ་ཐོག་ཆེན་འབེབས།། རྒྱ་མཚོའི་གཏིང་དུ་སེར་ཆེན་སྒྲིལ།། དམ་ཉམས་དགྲ་ཡི་ཡུལ་འཁོར་ཆོམས།། ལོ་ལ་ཁྲག་གི་སེར
168a3 བ་ཕོབ།། སྲོག་ལ་གློ་བུར་ཡེ་འཕྲོག་ཐོང་།། ཕྱོགས་བཞི་ནམ་མཁའི་དཀྱིལ་ཡངས་ནས།། ངན་སྔགས་བདག་མོ་གདོང་མོ་བཞི།། ཆོ་འཕྲུལ་སྤྲུལ་པ་དགྲ་ལ་འགྱེད།། ཕོ་ལྐོག་ནད་སོགས་ནད་མཚོན་རྒྱོབ།། ཕྱོགས
168a4 བཞི་མཚམས་བཞི་སྟེང་འོག་ནས།། སྲིད་པའི་རྒྱལ་པོ་ཆེན་པོ་བཅུ།། མདོག་ནི་མ་ངེས་ཁྲོས་པ་བཞིན།། མཚོན་ཆ་སྣ་ཚོགས་འཁོར་ལོ་སྒྱུར།། བསྟན་པ་བསྲུང་བར་དམ་བཅས་པའི།། དམ་ཚིག་ཆེན་པོའི་དུས་ལ
168a5 བབ།། དམ་ཉམས་སྲོག་རྩ་དམར་པོ་ཆོད།། རི་རབ་གཡོ་བསྙིལ་འུ་རུ་རུ།། རྒྱ་མཚོ་ཞོ་འཆོལ་ཚི་ལི་ལི།། གནམ་ས་དཀྲུག་པའི་དུས་ལ་བབ།། སྲོག་རྩ་ཆོད་ཅིང་སྙིང་མགོ་ཆོད།། མཛེ་འབྲས་སྨྱོ་འབོག་ལ་སོགས
168a6 ཀྱིས།། དགྲ་བོའི་རྩ་ལག་རླུང་ལ་སྐུར།། ཞེས་གསུངས་སོ།། དཔལ་མགོན་པོ་ནག་པོ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་ལས། སྲིན་པོའི་ཚོགས་ལས་ལ་མངག་པའི་ལེའུ་སྟེ་སོ་གཅིག
iiif viewer powered by OpenSeadragon
