| e-texts navigator |
| Wylie |
167b1 དྲོང་།། འདུ་བ་རྣམ་བཞི་ནད་མཚོན་རྒྱོབ།། སྙིང་ཟན་སྲོག་འདྲིལ་སྲོག་ལེན་སོགས།། འཁོར་གྱི་གིང་ཆེན་བཞི་བཅུ་གཉིས།། བསེ་ཁྲབ་བསེ་རྨོག་འོད་དུ་འབར།། སྟག་རལ་གཡས་ལ་གཟིག་ཤུབས་གཡོན།། ཕྱག་ན
167b2 རལ་གྲི་རྣོ་འཇོམས་ཐོགས།། སྲོག་རྩ་བཅད་ནས་སྙིང་ཁྲག་འཐུང་།། བསེ་ཕུབ་དམར་པོ་མེ་འོད་སྣང་སྲིད་འགེངས།། སྲིད་གསུམ་ལྷ་འདྲེ་འཁྲུག་ཅིང་བསྐུལ།། ཧཱུཾ་ཆེན་དྲག་པོ་གིང་གི་ཚོགས།། ཤ་ཁྲག་སྣ་ཚོགས་གིང
167b3 ལ་མཆོད།། བཅོལ་བའི་ལས་རྣམས་གྲུབ་པར་གྱིས།། ཞེས་གསུངས་སོ།། དཔལ་མགོན་པོ་ནག་པོ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་ལས། གནོད་སྦྱིན་གྱི་ཚོགས་བསྐུལ་བའི་ལེའུ་སྟེ་སུམ་ཅུ
167b4 པའོ།། །། དེ་ནས་རག་ཤ་སྲིན་པོའི་ཚོགས་བསྐུལ་བ་འདི་གསུངས་སོ།། བྷྱོ། དྲག་པོ་ལྕགས་མཁར་ནང་ཤེད་ན།། རཀྵ་ཛ་མ་གློག་ཕྲེང་ཅན།། ཧམ་ཤམ་བསེ་གདོང་གདུག་པའི་བུ།། ཁྱབ་འཇུག་ཆེན་པོ་ཀུན
167b5 ཏུ་རྒྱུ།། འཇིགས་བྱེད་ཆེན་པོ་ཀུན་ཏུ་རྒྱུ།། ལུས་པོ་གཅིག་ལ་མགོ་བོ་དགུ།། མགོ་ལུས་མེད་པར་མིག་གིས་ཁེངས།། རོ་སྟོད་སྲིན་ལ་རོ་སྨད་སྦྲུལ།། སྐུ་མདོག་བརྗིད་པའི་དུད་ཁ་བ།། གཡས་པ་རྡོ་རྗེ་གྲི་གུག
167b6 གིས།། ཉམས་པའི་ཁོག་གཤོག་སྙིང་ནས་ཕྱུང་།། གཡོན་པ་ཆུ་སྲིན་ཞགས་པ་ཡིས།། བླ་སྲོག་ཟུང་ཞིག་དམ་དུ་ཆིངས།། ཉི་མ་ཟླ་བ་ལྟོ་རུ་ཟ།། ཉི་མའི་རྗེས་གཅོད་ཤར་དུ་རྒྱུག། ཟླ་བའི་རྗེས་གཅོད་ནུབ་ཏུ་རྒྱུག། ཉིན
iiif viewer powered by OpenSeadragon
