| e-texts navigator |
| Wylie |
167a1 རུངས་གདུག་པ་ཀུན་གྱི་གཙོ་གྱུར་པ།། ཡབ་གཅིག་གནོད་སྦྱིན་རྒྱལ་པོ་ཟངས་ཐོགས་བཞེངས།། སྐུ་མདོག་དམར་ནག་བརྗིད་པ་ལ།། དབུ་ལ་རྒྱ་མདུད་འཁོར་ལོ་བརྩེགས།། རལ་པ་དམར་པོ་སྤྲིན
167a2 ལྟར་གཏིབས།། སྤྱན་མིག་དམར་པོ་དམ་ཉམས་དགྲ་ལ་ཟློག། འཇིགས་པའི་ཞལ་ནི་བགྲད་པ་ལ།། མཆེ་བ་གནམ་ལྕགས་དགུ་བརྒྱས་གཏམས།། སྐུ་ལ་ཤུན་གྱི་གཡང་གཞི་གསོལ།། ཕྱག་ན་གསེར་གྱི་རལ་གྲི
167a3 བསྣམས།། གཡོན་པ་བསེ་ཡི་མདུང་དམར་བསྣམས།། བ་དན་དམར་པོ་གློག་ལྟར་འཁྱུག། འཇིགས་སུ་རུང་བའི་དཔའ་བྱད་ཅན།། སྔོན་དུ་ཞེ་སྡང་ལས་ལ་གྲུབ།། དོ་ནུབ་དྲག་པོའི་དུས་ལ་བབ།། དེ་ཡི་ཡུམ་ཆེན
167a4 བྲན་མོ་ནི།། བསེ་གདོང་ཟངས་མགྲིན་རྫུ་འཕྲུལ་ཅན།། སྔོན་དམར་ལུས་ལ་འཇའ་ཡིས་བརྒྱན།། རལ་པ་སྔོན་པོ་བུ་ཡུག་འཚུབ།། གཡས་པ་བྱད་ཐག་དགྲ་ལ་འཕེན།། གཡོན་པ་སྔོན་དམར་བགེགས་ལ
167a5 འདེབས།། ཁ་རླངས་སྔོན་པོ་དུ་བར་འཐུལ།། འཇིགས་པའི་སྐྱུགས་གླུ་ཙེ་རེ་རེ།། སྲིན་པོ་འབུམ་ཚོགས་དམག་ཏུ་བསྐུལ།། སྔོན་ཀྱང་འདོད་ཆགས་ལས་ལས་གྲུབ།། དོ་ནུབ་དྲག་པོའི་ཕྲིན་ལས་མཛོད།། ཁྱོད་ཀྱི
167a6 བཀའ་ཉན་ལས་བྱེད་པ།། བསེ་ཡི་གྱད་ཆེན་དམག་དཔོན་བཞི།། ལྷ་སྲིན་སྡེ་བརྒྱད་ལས་ལ་བསྐུལ།། ཉམས་པ་དགྲ་ཡི་གཤེད་མ་གྱིས།། ས་བདག་བསེ་ཡི་ལྷ་མོ་བཞི།། བུད་མེད་སྡེ་བཞིས་དམག་སྣ
iiif viewer powered by OpenSeadragon
