| e-texts navigator |
| Wylie |
125b1 བསད་པའི་ཤ་དང་བཙོས་པའི་ཆང་།། བཙོང་སྒོག་ལ་ཕུག་སྦོད་རིགས་དང་།། ཁམ་བུ་ཀུ་ཤུ་བཅོལ་ཏི་དང་།། རྒུན་འབྲུམ་ཀ་ར་བུ་རམ་དང་།། རཀྟ་ལ་སོགས་ཁྲག་སྣ་སྟོང་།། མ་ཧཱ་ཙིཏྟ་ལ་སོགས་སྙིང་སྣ་སྟོང་།། མཱཾ་ས་ལ
125b2 སོགས་ཤ་སྣ་སྟོང་།། སུ་ར་ལ་སོགས་ཆང་སྣ་སྟོང་།། བྷན་དྷ་ནང་ཁྲོལ་རུས་པའི་ཚོགས།། དར་ནག་རྒྱལ་མཚན་གསུར་ཆེན་སྤོས།། རོལ་མོའི་ཚོགས་ཀྱིས་རབ་མཆོད་ནས།། འཇིགས་བྱེད་ཆེན་པོ་ཁྲག་འཐུང
125b3 གིས།། གཉེར་གཏད་བཀའ་བསྒོ་སྤུན་གསུམ་ལ།། མགྲིན་གཅིག་བསྡེབས་ནས་འདི་སྐད་གསོལ།། ཆོས་དབྱིངས་སྐྱེ་མེད་ངང་ཤེད་ནས།། ཐབས་དང་ཤེས་རབ་གདུག་པ་འདུལ།། དྲག་པོ་འཇིགས་བྱེད་སྐུར་བསྟན
125b4 པའི།། མགོན་པོ་ཡབ་ཡུམ་ཕྱག་འཚལ་བསྟོད།། སྔོན་ཚེ་ཁྲག་འཐུང་སྤྱན་སྔ་རུ།། བསྟན་པ་བསྲུང་བར་ཁས་བླངས་པའི།། སྲིན་པོའི་གཟུགས་འཆང་གདུག་པ་འདུལ།། བྱ་རོག་གདོང་ལ་ཕྱག་འཚལ་བསྟོད།། ནག་པོའི
125b5 ལས་མཛད་མཁའ་འགྲོའི་གཙོ།། སྲིན་པོའི་གཟུགས་ཀྱི་དུག་ཆར་འབེབས།། ཤ་ཟ་ཁྲག་འཐུང་རབ་འབར་མ།། ནག་མོ་བྱ་ཞོན་མ་ལ་ཕྱག་འཚལ་བསྟོད།། འཇིག་རྟེན་ལས་གྲུབ་དྲེགས་པ་ཅན།། རང་སྔགས་དམོད་པའི
125b6 མཚོན་ཆ་ཡིས།། སྲོག་དབུགས་འབྲལ་བའི་མཐུ་བོ་ཆེ།། རཱ་ཧུ་ལ་ལ་ཕྱག་འཚལ་བསྟོད།། དེ་སྐད་བསྟོད་ཅིང་འདི་སྐད་གསོལ།། དུས་ནི་བསྐལ་པ་ཕྱི་མའི་དུས་ཀྱི་ཚེ།། ཆོས་ལ་དགྲ་དང་འཚེ་བ་བྱེད་པ་ཡིས།། གཙུག
iiif viewer powered by OpenSeadragon
