| e-texts navigator |
| Wylie |
125a1 བདུད་རྩི་ལྔ་ཚོགས་ན།། ཤ་ལ་སྦྲང་བཞིན་ཁྱེད་རྣམས་འདུས།། ཆོས་བྱེད་དམ་ཚིག་ཅན་ལ་ནི།། ཅི་ཡང་མེད་ལས་དམ་ལ་འདུས།། སྔགས་པ་དམ་ཚིག་མི་བསྲུང་ན།། བསྲུངས་ཀྱང་སྐལ་ཉམས་ལས་མ
125a2 བྱེད།། བྱ་རོག་འབར་མ་སེང་གེ་གདོང་།། གཟའ་བདུད་རྒྱལ་པོ་གཤིན་རྗེ་བཙན།། གནོད་སྦྱིན་ཀླུ་དང་མི་སྲུན་ཚོགས།། སངས་རྒྱས་བསྟན་པའི་བཀའ་འདི་སྲུངས།། རྣལ་འབྱོར་ཡོངས་ཀྱི་དགྲ་བླ་མཛོད།། རིག་འཛིན
125a3 ཀུན་གི་སྲོག་ཤིང་གིས།། དམ་ཉམས་ཀུན་གྱི་སྲོག་རྩ་ཆོད།། བདུད་འདུལ་རྣམས་ཀྱི་དབང་ཕྱུག་ཆེ།། གཙུག་ལག་ཁང་གི་སྲུང་མ་རྣམས།། ལེགས་ཉེས་ཀུན་གྱི་ལྟང་འཛིན་ཆེ།། ནག་པོ་སྟོང་གི་ཚོགས་ཀྱིས་བསྐོར།། ཤ་ཟ
125a4 འབུམ་གྱི་ཚོགས་ཀྱིས་བསྐོར།། གནོད་སྦྱིན་དུ་མའི་ཚོགས་ཀྱིས་བསྐོར།། བདུད་ཕོ་ཉི་ཁྲིའི་ཚོགས་ཀྱིས་བསྐོར།། མི་སྲུན་དྲག་པོ་མཐུ་ཆེན་རྣམས།། བསྟན་འཇིག་དགྲ་བོ་ཟས་སུ་གཏད།། དམ་ཉམས་ཤ་ཟོ་ཁྲག་ནི
125a5 ང་།། སྙིང་ཕྱུང་སྲོག་ཆོད་དུས་མཐའ་སྔས།། ནོར་ཕྲོགས་གྲང་སྦྲེལ་ཉེ་དང་ཕྱེས།། ལོ་ཟླར་མ་བཞག་ཟ་མར་སྒྲོལ།། ཅེས་ཡབ་ཡུམ་ཆོས་ཉིད་མཉམ་པའི་ཏིང་ངེ་འཛིན་ལ་བཞུགས་ཏེ་ཁྲག་འཐུང་རིག་པའི་ཧེ་རུ་ཀ
125a6 ལ་ཐིམ། དཔལ་ནག་པོ་ཆེན་པོའི་སྐུ་གསུང་ཐུགས་ཁྲོས་པའི་རྒྱུད་ལས། ལས་མཁན་གཉེར་གཏད་པའི་ལེའུ་སྟེ་བདུན་པའོ།། །། དེ་ནས་ལྷ་དང་མི་དང་ལྷ་མ་ཡིན་དང་སྣང་སྲིད་ཀྱི་ལྷ་སྲིན་སྡེ་བརྒྱད་རྣམས་ཀྱིས།།
iiif viewer powered by OpenSeadragon
