| e-texts navigator |
| Wylie |
124b1 གསུམ་ཐུགས་ཁྲོས་པའི་རྒྱུད་ལས་སྤྱི་བསྒྲུབ་ཀྱི་ལེའུ་སྟེ་དྲུག་པའོ།། །། ཙ་ཏི་ཉིད་ཀྱིས་ཡང་གསོལ་པ།། སྤྱི་བསྒྲུབ་རིམ་པ་དེ་ལྟར་ན།། སྐུ་གསུང་ཐུགས་ཀྱིས་ལས་མཁན་གསུང་།། ནག་པོ་ཆེན་པོས་བཀའ
124b2 སྩལ་པ།། ཆེ་མཆོག་ཁྲོས་པའི་ནུས་མཐུ་ཡིས།། རཱུ་ཏྲ་ལྔ་བཏུལ་ང་ཡང་ལྔ་རུ་འགྱུར།། ཆུང་མ་ལྔ་ནི་བཏུལ་བ་ཡིས།། གཏུམ་པའི་དབང་ཕྱུག་ཙན་ཏི་ཀ། གློག་འབར་རལ་གཅིག་ཤ་ཟ་མ།། ཡེ་ནས་ལྷུན་གྲུབ་དགོངས
124b3 པ་ཤེས།། བསྟན་བསྒྲུབ་སེམས་ཅན་མགོན་དུ་བསྒྱུར།། དྲེགས་པ་འདུལ་ཕྱིར་སྐུ་ཆེའོ།། ཕྲིན་ལས་བསྒྲུབ་ཕྱིར་གསུང་ཆེའོ།། སངས་རྒྱས་ཞིང་སྦྱོར་ཐུགས་ཆེའོ།། ཡེ་ཤེས་མགོན་པོ་ཡབ་ཡུམ་གྲགས།། ང་ཉིད་སྟོང་པ
124b4 ཉིད་ཡང་ཆེ།། ང་ཉིད་གསལ་འཚེར་ལྷུན་ཉིད་སྡུག། ང་ཉིད་ཀུན་ཁྱབ་བདེ་ཆེན་འཁྲིལ།། སྐུ་ཡི་ལས་མཁན་བྱ་རོག་གདོང་།། བཀའ་དང་བསྟན་པ་ཁྱོད་ཀྱིས་སྲུངས།། གསུང་གི་ལས་མཁན་འབར་མ
124b5 ནག། བཀའ་དང་བསྟན་པ་ཁྱོད་ཀྱིས་སྲུངས།། ཐུགས་ཀྱི་ལས་མཁན་རཱ་ཧུ་ལ།། བཀའ་དང་བསྟན་པ་ཁྱོད་ཀྱིས་སྲུངས།། ཆོས་བྱེད་བསྒྲུབ་མཆོག་དམ་པ་ཡིས།། བོས་པའི་དུས་ན་སྙན་མ་སྲ།། གཡབ་པའི་ཚེ་ན་སྤྱན
124b6 མ་བརྟུལ།། ལུས་དང་གྲིབ་མ་བཞིན་དུ་འགྲོགས།། བརྟེན་པའི་ཚེ་ན་ཕྲག་མ་དོག། རྦད་པའི་ཚེ་ན་མཐུ་མ་ཆུང་།། གསོད་པའི་ཚེ་ན་དང་མ་རིང་།། ཙིཏྟ་གཏོར་མ་ལྷག་སྤྱོད་ལྔ།། དར་ནག་གླིང་དུ་གསེར་ཆེན་དུ།། ཤ་ལྔ
iiif viewer powered by OpenSeadragon
