| e-texts navigator |
| Wylie |
123b1 སུ།། རིམས་དང་ཡམས་ནད་འཚེ་བ་འབྱུང་།། དབང་པོ་འགག་ཅིང་མཛེ་ཤུ་དང་།། ཡིད་དུ་མི་འོང་སྣ་ཚོགས་པས།། དམ་ཚིག་ཉམས་པ་རླག་པར་བྱེད།། དེས་ན་ཕྱག་དང་བསྐོར་བ་དང་།། སྔགས་བཤགས་ཏིང
123b2 འཛིན་དག་ལ་འབད།། དམ་ལྡན་བསྙེན་བསྒྲུབ་རེམ་ལ་ནི།། སྤྲིན་ལྟར་འདུ་ཞིང་བུ་ལྟར་བརྩེ།། ཅི་བཅོལ་ཕྲིན་ལས་ཀུན་སྒྲུབ་པའོ།། སྐུ་གསུང་ཐུགས་ཁྲོས་པའི་རྒྱུད་ལས་དམ་ཚིག་གི་ལེའུ་སྟེ་བཞི
123b3 པའོ།། །། ཙ་ཏི་དབང་ཕྱུག་ཡང་གསོལ་པ།། དམ་ཚིག་རིམ་པ་དེ་ལྟར་ན།། འདུལ་བྱེད་ལྷ་ནི་གསུང་དུ་གསོལ།། ཁྲག་འཐུང་ཆེན་པོས་བཀའ་སྩལ་པ།། ང་ཡི་འདུལ་བྱེད་ལྷ་ཉིད་ནི།། ཁྲག་འཐུང་རིག་པའི་ཧེ་རུ
123b4 ཀ། མ་བསྐྱེད་དབྱིངས་ན་གསལ་བར་བཞུག། འབྲལ་བ་མེད་ཅིང་གནས་པ་མེད།། རང་གི་སེམས་ཉིད་རྟོགས་པར་གྱིས།། ང་ལ་སྐྱེ་བའི་ཡུལ་མེད་པས།། འཆི་བ་ཞེས་བྱ་མི་འོང་ངོ་།། ང་ལ་འགྲོ་དང་འོང་མེད
123b5 ལ།། འདུ་འབྲལ་ཞེས་བྱ་མིང་ནས་མེད།། ང་ལ་གསལ་དང་འགྲིབ་པ་མེད།། ང་ལ་དགྱེས་དང་མི་དགྱེས་མེད།། ང་ལ་བསྒྲུབ་པའི་རྫས་ཀྱང་མེད།། བཟླས་པར་བྱ་བའི་སྔགས་ཀྱང་མེད།། ཐམས་ཅད་རང་གི་བྱེད་པ
123b6 ཡིན།། མེ་ལོང་གཟུགས་བརྙན་ལྟར་ཤེས་ན།། སྣང་གྲག་འདུལ་བྱེད་ལྷ་ཡིན་ནོ།། བྲག་ཆ་ལྟ་བུ་ཤེས་པ་ཡིན།། ཚིག་རྣམས་འདུལ་བྱེད་ལྷ་ཡིན་ནོ།། རིག་པའི་དོན་ཉིད་རྟོགས་པ་ན།། ཐམས་ཅད་འདུལ་བྱེད་ལྷ
iiif viewer powered by OpenSeadragon
