| e-texts navigator |
| Wylie |
123a1 རོ།། ཨོཾ་ཧཱུཾ་མ་ཧཱ་ཀ་ལ་ཨེ་ཀ་ཙ་ཏི། པྲཛྙཱ་ཛྙཱ་ན་ཨ་བྷི་ཥིཉྩ་ཧཱུཾ། དབང་ཐོབ་མཆོག་གི་ས་ལ་གནས།། ཆོས་བྱེད་ཐུགས་དམ་ཙམ་གྱིས་འགྲོ།། ཨེ་མ་ལྟོས་ཤིག་ལྟོས་ཤིག་སེམས་ལ་ལྟོས།། ལུས་ནི་གསལ
123a2 སྟོང་ང་ཡི་སྐུ།། ངག་ནི་གྲག་སྟོང་ང་ཡི་གསུང་།། སེམས་ནི་རིག་སྟོང་ང་ཡི་ཐུགས།། ངོ་བོ་མཐོང་ན་འཁོར་བ་མེད།། རང་བཞིན་མཐོང་ན་སངས་རྒྱས་ཡིན།། ཐུགས་རྗེ་དྲག་པོའི་ལས་བྱས་ན།། ཞིང་བཅུ་ཐར་པའི་ས
123a3 ལ་བཀོད།། ཁྲག་འཐུང་རིག་པའི་ཧེ་རུ་ཀས།། ང་ཡང་དེ་ལྟར་སྨིན་པར་བྱས།། སྐུ་གསུང་ཐུགས་ཁྲོས་པའི་རྒྱུད་ལས། དབང་གི་ལེའུ་སྟེ་གསུམ་པའོ།། ། ཙ་ཏི་དབང་ཕྱུག་ཡང་གསོལ་པ།། དབང་གི
123a4 རིམ་པ་དེ་ལྟར་ན།། དམ་ཚིག་བསྲུང་ཚུལ་གསུང་དུ་གསོལ།། ཁྲག་འཐུང་ཆེན་པོས་བཀའ་སྩལ་པ།། སྤྱི་རུ་དམ་ཚིག་འབུམ་སྡེ་དེ།། ཡན་ལག་གྲངས་ནི་དམ་ཚིག་དང་།། བསྒྲུབ་པའི་དམ་ཚིགས་ཉི་ཤུ་བསྲུང་།། རྩ་བ
123a5 སྐུ་གསུང་ཐུགས་ཡིན་ནོ།། བླ་མ་ཡི་དམ་རང་རེ་དང་།། མཆེད་ལྕམ་སེམས་ཅན་མ་ཁྲེལ་བསྲུང་།། ཟླ་དང་ཞར་དང་སྐུ་གསུང་ཐུགས། ཡན་ལག་གྲངས་ཀྱིས་མ་ཉམས་ན།། དམ་ཅན་འགོ་བས་མཐུ་རྩལ
123a6 འབྱུང་།། མང་པོས་བཀུར་བས་གྲགས་པ་སྟེ།། ཡིད་དུ་འོང་ཞིང་སངས་རྒྱའོ།། དམ་ཚིག་ཉམས་པར་གྱུར་པ་ན།། རྡོ་རྗེ་དམྱལ་བ་ཆེན་པོར་སྐྱེ།། མི་བཟད་སྡུག་བསྔལ་མྱོང་བར་འགྱུར།། དམ་ཚིག་ཉམས་པའི་སྔ་ལྟས
iiif viewer powered by OpenSeadragon
