| e-texts navigator |
| Wylie |
122b1 ཡབ་ཡུམ་གྱི།། འཇིགས་པའི་དཀྱིལ་འཁོར་འདིར་བཞུགས་ལེགས།། སངས་རྒྱས་བསྟན་པ་བསྲུང་པའི་ཕྱིར།། དྲག་པོའི་ཕྲིན་ལས་གྲུབ་པར་མཛོད།། ཨོཾ་མ་ཧཱ་ཀ་ལ་ཨེ་ཀ་ཛཱ་ཏི། ཨཱ་བེ་ཤ་ཡ་མ་མ་ཧཱུཾ
122b2 ཧཱུཾ།། ཡེ་ཤེས་བབས་ནས་ལྡེག་པ་དང་།། རི་རབ་འགུལ་ཞིང་རྒྱ་མཚོ་འཁྱམས།། ས་རྣམས་གཡོས་ཤིང་བྱིན་ཕེབས་པས།། སངས་རྒྱས་ཞིང་ཁམས་མཐའ་ཡས་ན།། སྒྲུབ་བྱེད་ཀུན་གྱི་རྟགས་ཐོན་ན།། དེ་ནས་བུམ་པ
122b3 རབ་ཐོགས་ཏེ།། ང་ཡིས་བཀའ་ཉན་དྲེགས་པའི་ཚོགས།། འཇིགས་བྱེད་དཀྱིལ་འཁོར་འདི་ལ་ལྟོས།། བདག་ནི་ཡབ་ཡུམ་ཧེ་རུ་ཀ། འཇིགས་པའི་ང་རོ་མེ་འོད་འབར།། དཔལ་དང་ལྡན་པའི་དབང་བསྐུར་རོ།།
122b4 བཛྲ་རཏྣ་པདྨ་ཀརྨ་བུདྡྷ།། མ་ཧཱ་ཀཱ་ལ་ཨེ་ཀ་ཙ་ཏི་ཨ་བྷི་ཥིཉྩ་ཨཾ། དབང་ཐོབ་སངས་རྒྱས་ཀུན་ཞལ་མཐོང་།། བཀའ་ཉན་བསྟན་བསྲུང་ཁས་བླངས་སོ།། ཕྱག་གཡོན་ཐོད་པ་རབ་གཏད་དོ།། བྱང་སེམས་དཀར་དམར
122b5 ཧེར་ཀའི་བཅུད།། བདུད་རྩི་ལྔ་ནི་ཁྲག་འཐུང་རྫས།། དངོས་གྲུབ་མྱུར་ཐོབ་དབང་བསྐུར་རོ།། ཨཱཿམ་ཧཱ་ཀ་ལ་ཨེ་ཀ་ཙ་ཏི་མ་ཧཱ་སུ་ཁ་ཨ་མྲྀ་ཏི། ཨ་བྷི་ཥིཉྩ་ཨཱ། དབང་ཐོབ་སྔགས་དང་དམ་ཚིག་སྤྱོད།། སྔགས་ཀྱི
122b6 སྒོར་ཞུགས་བུ་ལྟར་དགོངས།། མེ་ལོང་སིན་དྷུ་ར་བསྟན་ཏེ།། དྲི་མེད་ཤེལ་སྒོང་རང་རིག་སེམས།། སྣང་གྲག་མེ་ལོང་གཟུགས་བརྙན་ལས།། ཡབ་ཡུམ་གཉིས་མེད་སྦྱོར་ཅིང་རོལ།། གསལ་ལ་ངོ་སྟོང་དབང་བསྐུར
iiif viewer powered by OpenSeadragon
