| e-texts navigator |
| Wylie |
122a1 ཀྱི་ལེའུ་སྟེ་གཉིས་པའོ།། །། ཙ་ཏི་ཉིད་ཀྱིས་ཡང་གསོལ་པ།། ཚེ་སྲོག་སྤྲུལ་པ་དྲེགས་པའི་གཙོ།། མ་སྲིང་སྨིན་བྱེད་དབང་ནི་གང་།། དམ་ཚིག་བསྲུང་ཚུལ་ཇི་ལྟར་བགྱི།། ཁྱེད་ནི་འདུལ་བྱེད་ལྷ་ནི
122a2 ཅི།། སྤྱི་བསྒྲུབ་བསྙེན་པ་ཇི་ལྟར་བགྱི།། སྐུ་གསུང་ཐུགས་ཀྱི་ལས་མཁན་དཔུང་།། མཉེས་ཤིང་འདུ་བའི་བསྒྲུབ་རྫས་རྣམས།། འདུས་པའི་འཁོར་ལ་གསུང་དུ་གསོལ།། ནག་པོ་ཆེན་པོས་བཀའ་སྩལ་པ།། ཀྱེ།
122a3 ཀྱེ་འདུས་པའི་འཁོར་ཚོགས་ཉོན།། རིན་ཆེན་བདུད་རྩིའི་ས་དག་ལ།། དཀྱིལ་འཁོར་མདའ་གང་གྲུ་བཞི་བྱ།། ཆོས་འབྱུང་ཉིས་བརྩེགས་པད་འདབ་བཞི།། དེ་ཡི་ཕྱི་རིམ་འཁོར་ལོ་བཞི།། ཡང་ན་པདྨ་འདབ་བརྒྱད
122a4 བྱ།། ཐོད་ཕྲེང་རྡོ་རྗེ་ར་བར་བཅས།། མེ་རི་དམར་ནག་བསྐོར་བ་ལ།། པདྨ་འཁོར་ལོ་ཕྱོགས་ཀྱི་ཚོན།། གཏོར་ཚོགས་སུ་མཐོང་སིནྡྷུ་ར།། མཆོད་ལྔ་གསུར་ཆེ་ལྷག་སྤྲོད་གླིང་།། ལེགས་པར་སྟ་གོན་ཚོགས་བཅས
122a5 ཏེ།། སྤྱན་དྲང་བཞུགས་གསོལ་མཆོད་གཏོར་དབུལ།། ཞི་ཁྲོ་གཞུང་བསྲང་དབང་བསྐུར་རོ།། ཞེས་སྣང་སྲིད་དྲག་པོ་དུར་ཁྲོད་བརྒྱད་དང་བཅས་པའི་དཀྱིལ་འཁོར་དུ་གྱུར་ཏེ་ཙ་ཏི་དབང་ཕྱུག་གིས་ཡང་གསོལ་པ།།
122a6 དཔལ་ལྡན་འཇིགས་བྱེད་ཆེན་པོ་ཀྱེ།། འཇིགས་པའི་དཀྱིལ་འཁོར་འདི་རུ་ནི།། དྲེགས་པ་ཕོ་མོ་སླར་གཞུག་པ།། དཔའ་བོ་བླ་མས་གསུང་དུ་གསོལ།། དཔའ་བོ་ཆེན་པོས་བཀའ་སྩལ་པ།། ཧོ་དཔལ་ལྡན་ཁྲག་འཐུང
iiif viewer powered by OpenSeadragon
