| e-texts navigator |
| Wylie |
120b1 བསྐོར་བ་བྱས་ཤིང་ཡེ་ཤེས་མགོན་པོ་ཉིད་ལས་འཁྲིལ་ཏེ། དགྱེས་ཆེན་སུ་ལ་མ་ཧཱ་ཨ་མྲྀ་ཏ། ཨེ་མ་ངོ་མཚར་རབ་འཇིགས་སོ།། མ་རུངས་དྲེགས་པའི་ཚོགས་རྣམས་ལ།། ཞིང་བཅུ་སྒྲོལ་བའི་ལས
120b2 བཅོལ་གྱིས།། ཐུགས་རྗེས་དགོངས་ནས་བརྒྱ་ལ་རེངས་སློང་།། ཁྲག་སྐྱུགས་ཕྲིན་ལས་དག་ལ་བཀོད།། ཅེས་ནི་ཞུ་བ་རབ་བཞུགས་པས།། འཇིགས་བྱེད་ཡེ་ཤེས་མགོན་པོ་ཡིས།། གཏུམ་ཁྲོས་དགྱེས་པའི་འཛུམ
120b3 བཏོན་ནས།། དྷརྨཱ་ཀཱ་ལ་ཤན་ཏིང་ཀུ། ཞེས་པའི་སྒྲ་ཡིས་བརྒྱ་ལ་བསླངས་ནས།། རང་རང་ཕྱོགས་ཀྱི་ས་ལ་འཁོད།། དེ་ནས་སེང་གདོང་གིས་གུས་པའི་ཚུལ་གྱིས་འདི་སྐད་གསོལ།། ཧཱུཾ་གཙོ་མཆོག་འབར་བའི་ཕྱག
120b4 བཞི་པ།། མཐིང་ནག་རབ་འཇིགས་ཡེ་ཤེས་མགོན།། དྲེགས་པའི་ཚོགས་བདག་སྐྱབས་སུ་མཆི།། བརྒྱ་ལ་རེངས་ཁྲག་སྐྱུགས་གྲོལ་མཛད་ཅིང་།། ཀུན་ལ་དྲིན་ཆེན་ལྷ་མོའི་སྐུ།། ཡུམ་མཆོག་ཙ་ཏི་དབང་ཕྱུག་གཙོ།། སྐུ
120b5 མདོག་ནག་མོ་ཁྲོ་ཚུལ་ཅན།། ཞལ་གཅིག་ཕྱག་གཉིས་ཟོད་སྐམ་བརྒྱན།། ཕྱག་གཡས་གྲི་གུག་དགྲ་སྙིང་འབྱིན།། ཕྱག་གཡོན་ཟོད་ཁྲག་གཙོ་ལ་སྟོབ།། མཆེ་གཙིགས་ཁྲོ་གཉེར་སྤྱན་གསུམ་དམར།། གཅེར་བུ
120b6 སྐྲ་གྲོལ་རུས་པས་བརྒྱན།། ཞབས་གཉིས་ཡབ་ལ་འཁྲིལ་ཅིང་སྦྱོར།། གཉིས་མེད་བདེ་ཆེན་ཧེ་རུ་ཀ། ཁྲག་འཐུང་ཡབ་ཡུམ་ཕྱག་འཚལ་བསྟོད།། ཆེ་མཆོག་ཉིད་ཀྱི་སྤྱན་སྔ་རུ།། ཁས་བླངས་ཁྲག་འཐུང་ཡབ་ཡུམ་གྱི།།
iiif viewer powered by OpenSeadragon
