| e-texts navigator |
| Wylie |
120a1 #།། དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ་མཆོད་པའི་སྤྲིན་གཏིབས་ཤིང་བསྟོད་པས་ཧཱུཾ་རཾ་རཾ། དམར་ནག་མེ་ཡི་དཀྱིལ་འཁོར་ནས།། པདྨ་ཉི་ཟླ་རོ་སྟེང་དུ།། དཔལ་ལྡན་ཡེ་ཤེས
120a2 མགོན་པོ་ནི།། སྐུ་མདོག་མཐིང་ནག་གསུས་པོ་ཆེ།། ཞལ་གཅིག་ཕྱག་བཞི་ཕྱེད་སྐྱིལ་བཞུགས།། གཡས་གཉིས་ཙིཏྟ་རལ་གྲི་བསྣམས།། གཡོན་གཉིས་ཐོད་ཁྲག་ཁ་ཊྭཱཾ་བསྣམས།། ཞལ་གདངས་ལྗགས་འདྲིལ་མཆེ་བ
120a3 གཙིགས།། ཁྲོ་གཉེར་སྤྱན་གསུམ་དམར་ལ་འཁྱུག། ཨག་ཙམ་སྨིན་མ་དབུ་སྐྲ་སེར།། ཐོད་སྐམ་རིན་ཆེན་སྦྲུལ་གྱིས་བརྒྱན།། མི་མགོའི་དོ་ཤལ་སྟག་ལྤགས་དཀྲིས།། འཇིགས་བྱེད་ཆེན་པོར་ཕྱག་འཚལ
120a4 བསྟོད།། ཅེས་དཔལ་ནག་པོ་ཆེན་པོའི་སྐུ་གསུང་ཐུགས་ཁྲོས་པའི་རྒྱུད་ལས། འབྱུང་འཁྲུལ་རང་ཤེས་གླེང་གཞིའི་ལེའུ་སྟེ་དང་པོའོ།། །། དེ་ནས་འོག་མིན་བྷནྡྷ་འབར་བའི་གཞལ་ཡས་ཁང་སྐམ་རློན་གྱི་མི
120a5 མགོའི་རྩིག་པ་བརྩིགས་པ། ཁྲག་དང་ཞག་ཏུ་འཁྱིལ་བ། ཞིང་ལྤགས་ཀྱི་བླ་རེ་ལ་ཞིང་ཆུང་གི་འཕན་འཕྱར་བ། རཀྟའི་མཚོ་ལ་ཙིཏྟ་མེ་ཏོག་བཀྲམ་པ་ན། ཨེ་ཀ་ཛཱ་དཀར་མོ་དང་། དམར་མོ་དང་། སེར་མོ་དང་། ལྗང
120a6 གུ་ནག་མོ་འབུམ་གྱི་གཙོ་མོ་ཐོད་མཁར་བརྒྱའི་བདག་མོ། སྲིད་པ་ལས་ཀྱི་འབྱུང་ཁུངས་མ་ཞེས་བྱ་བའི་བུ་མོ་ཙན་ཏི་དབང་ཕྱུག་མ་ཞེས་བྱ་བས་རུས་པའི་བྱིན་གསོལ། རཀྟ་དམར་གྱི་སྐྱེམས་དྲངས་ནས་ཕྱག་དང
iiif viewer powered by OpenSeadragon
