| e-texts navigator |
| Wylie |
108b1 པའོ།། །། དེ་ནས་ནག་པོ་ཆེན་པོས་གསོལ་པ། ནག་པོ་ཆེན་པོའི་དམ་ཚིག་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། སྒྲུབ་པ་པོ་ལ་ཕན་གདགས་ཕྱིར།། དམ་ཚིག་བཤད་ཀྱིས་ཉན་པར
108b2 གྱིས།། ནག་པོ་ཆེན་པོའི་དཀྱིལ་འཁོར་དུ།། དབང་མ་བསྐུར་བས་མི་སྒྲུབ་ཅིང་།། གྲི་གུག་དང་ནི་ཐོད་པ་དང་།། ཕུར་བུ་དང་ནི་ཟང་ཀ་དང་།། སུ་ལ་བསྟན་པར་མི་བྱ་སྟེ།། རྡོ་རྗེ་སློབ་དཔོན་མི་སྨད་ཅིང་།། གསང་བ་ལས
108b3 ནི་བརྙས་མི་བྱ།། ནག་པོའི་རྒྱུད་དང་དམ་རྫས་ནི།། སྣོད་མིན་པ་ལ་བསྟན་མི་བྱ།། ནག་པོའི་གྲུབ་རྟགས་བྱུང་གྱུར་ན།། ལས་ལ་སྦྱར་བ་མ་བྱས་ན།། ནག་པོའི་དམ་ཚིག་ཉམས་གྱུར་ཏེ།། སྔགས་པ་དེ་ནི་འཆི་བར
108b4 འགྱུར།། བསྒྲལ་བའི་ཞིང་དུ་མ་གྱུར་པའི།། སྐྱེ་བོ་རྣམས་ལ་བྱས་གྱུར་ན།། ནག་པོའི་དམ་ཚིག་ཉམས་གྱུར་ཏེ།། སྒྲུབ་པ་པོ་རང་གནོད་པར་འགྱུར།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏོ།། ནག་པོ་ཆེན
108b5 པོའི་རྒྱུད་དུར་ཁྲོད་ནག་པོ་ལས།། དམ་ཚིག་བསྲུང་བའི་ལེའུ་སྟེ་བཅུ་གཉིས་པའོ།། །། བཅོམ་ལྡན་འདས་ཀྱིས་དེ་སྐད་ཅེས་སྩལ་པ་དང་། ནག་པོ་ཆེན་པོ་འཁོར་དང་རྗེ་དང་བཅས་པ་རྗེས་སུ་ཡི་རངས་ཏེ། བཅོམ
108b6 ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །། ནག་པོ་ཆེན་པོའི་རྒྱུད་རྟོགས་པ་བཅུ་གཉིས་པ་ཞེས་བྱ་བ་རྫོགས་སོ།། །། བླ་མ་ནག་པོ་རོ་འཛིན་དང་། གྱི་ལྗང་བུ་དཀར་གྱིས་བསྐུར
iiif viewer powered by OpenSeadragon
