| e-texts navigator |
| Wylie |
106a1 གསུམ་པ་ཡི།། བར་དུ་སྦས་ནས་རིམས་ཀྱིས་འཛིན།། མཛེས་འཛིན་པ་ལ་ཐེ་ཚོམ་མེད།། སྤོག་པའི་ཆོ་ག་ནི།། སྔ་མའི་རྫས་རྣམས་ལ་ལིངྒ་བྱས་ཏེ། སྙིང་གར་མིང་རུས་བཅུག་ནས། དུར་ཁྲོད་ཀྱི་མེ་ལ
106a2 བདུག་ཅིང་། སྔགས་ཟློག་ནས་བཟླས་ན་ངེས་པར་འགྱུར་རོ།། ནག་པོ་ཆེན་པོའི་རྒྱུད་དུར་ཁྲོད་ནག་པོ་ལས། ལས་སྦྱོར་བསྟན་པའི་ལེའུ་སྟེ་བཅུ་པའོ།། །། སྔགས་རྣམས་བཏུ་བ་ཇི་ལྟར་ལགས།། བཅོམ་ལྡན
106a3 འདས་ཀྱིས་བཀའ་སྩལ་པ།། སྔགས་རྣམས་བཏུ་བ་མ་བྱས་ན།། དོན་རྣམས་ལོག་པར་འགྲོ་བར་འགྱུར།། སྔགས་རྣམས་སྤྲོ་བར་མ་བྱས་ན།། དངོས་གྲུབ་འགྲུབ་པར་ཡོངས་མི་འགྱུར།། སྔགས་རྣམས་བསྲེ་བར་མ་བྱས
106a4 ན།། རང་དགར་འཇུག་པ་ཉིད་དུ་འགྱུར།། དེས་ན་སྔགས་རྣམས་ངས་བཏུ་ཡིས།། ནག་པོ་ཆེན་པོ་ཉན་པར་གྱིས།། དྲུག་པའི་དང་པོ་དང་། ལྔ་པའི་ལྔ་པ་དང་། དྲུག་པའི་གཉིས་པ་དང་།། དབྱངས་ཡིག་གཉིས་པ་དང
106a5 སྦྱར་བ་དང་། གཉིས་པའི་གསུམ་པ་ལ།། དབྱངས་ཡིག་གཉིས་པ་སྦྱར་བ་དང་། བདུན་པའི་གསུམ་པ་དང་། བཞི་པའི་གསུམ་པ་ལ། དབྱངས་ཡིག་བཅུ་གསུམ་པ་སྦྱར་བ་དང་། ལྔ་པའི་ལྔ་པ་ལ། དབྱངས་ཡིག་བཅུ
106a6 གཅིག་པ་སྦྱར་བའོ།། དྲུག་པའི་དང་པོ་གཉིས་སུ་བགྲང་བ་དང་། ལྔ་པའི་ལྔ་པ་ལ། དབྱངས་ཡིག་བཅུ་གཅིག་པ་གནན་པའོ།། བཞི་པའི་གསུམ་པ་ལ། དབྱངས་ཡིག་བཅུ་གསུམ་པ་དང་ལྡན་པ་དང་། དྲུག་པའི་གཉིས
iiif viewer powered by OpenSeadragon
