| e-texts navigator |
| Wylie |
105a1 ནི།། བསྒྲུབ་བྱའི་འཁོར་དུ་བཅུག་པའོ།། གླང་མགོ་ཅན་དང་། སྨིག་པ་གཤིན་རྗེ་ཕོ་ཉ་མོ།། གཤིན་རྗེ་མཆེ་བ་མོ་རྣམས་ནི།། བསྒྲུབ་བྱ་བསྒོ་རུ་བཅུག་པའོ།། གཤིན་རྗེ་རལ་པ་དང་ཆོས་ཀྱི་རྒྱལ་པོ
105a2 དང་།། གཤིན་རྗེ་ལྕགས་ཀྱུ་མ་དང་།། གཤིན་རྗེ་ཞགས་པ་མོ་རྣམས་ནི།། བསྒྲུབ་བྱ་ཁྲག་ཏུ་སྐྱུག་པའོ།། རལ་པ་ཚར་དགུ་དང་། མིག་དམར་དང་། གཤིན་རྗེ་མཚན་མོ་ནག་མོ་དང་། དུས་མཚན་ནག་མོ་རྣམས་ནི་གསོད
105a3 པའི་ལས་བྱེད། ཉི་མ་ལྔ་པ་ཡི་གེ་བཅུ་པའོ།། ཉི་མ་དྲུག་པ་ལ་ཡི་གེ་བདུན་པའོ།། དེ་དག་ནི་བསད་པའི་ལས་ལ་སྦྱར་བའོ།། ཉི་མ་བདུན་པ་ལ་ནག་པོ་ཆེན་པོའི་སྔགས་བརྗོད་ནས་དུར་དུ་སྦ་བའམ། ཡང་ན་ཉི་མ་བཞིར
105a4 བྱས་ནས་དུར་དུ་སྦས་ནས་རྒྱུད་མི་ལུས་པར་འགྱུར་རོ།། འཁོར་ལོ་རྩིབས་བརྒྱད་བྱས་ནས་ནི།། ཀླུ་བརྒྱད་བྲིས་ནས་བར་དུ་བཅུག། ཀླུ་ཡོད་གནས་སུ་སྦས་གྱུར་ན།། དེ་ནི་ལོ་ལས་མི་འདའ་བར།། གང་ལ་བྱ་བ་འཆི་བར
105a5 འགྱུར།། ཁྲི་འཕང་བརྒྱད་པའི་མཆོད་རྟེན་དུ།། ལིངྒ་ལོག་ནས་བཅུག་བྱས་ཏེ།། རྩ་བའི་སྔགས་ཀྱང་གཞུག་བྱས་ན།། དེ་ཡང་གོང་དང་འདྲ་བར་འགྱུར།། གང་འདོད་ཡུལ་གྱི་ལྷ་རྟེན་གནས།། ནག་པོ་བསྐྱེད་ལ་གཏོར་མ
105a6 སྦྱིན།། སྔོན་བཤད་བསྙེན་པ་ཚང་བར་བྱ།། ཡུལ་འདིར་སེར་བ་མྱུར་དུ་ཕོབ།། བསྒོས་ན་སེར་བ་འབེབས་པར་བྱེད།། དེར་ནི་གཏོར་མ་གཏེར་དུ་སྦས།། ཡུལ་ལྷའི་སྙིང་གར་ཕུར་བུས་གདབ།། དེས་ནི་ཐེ་ཚོམ་སོམ་ཉི
iiif viewer powered by OpenSeadragon
