| e-texts navigator |
| Wylie |
104b1 ཡ་ཧཱུཾ་ཕཊ། དེ་ཡི་ཐུགས་ཀར་ནག་པོ་བསམ།། མཆོད་པ་ཕུལ་ཏེ་སྲེག་པའི་སྔགས།། སྔགས་དང་ལིངྒ་རེ་རེ་ལྡན།། ཨོཾ་མ་ཧཱ་ཀཱ་ལ་ཆེ་གེ་མོ་སརྦ་ཤ་ཏཱཾ་ཏུ། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན། ཡང་ན་སྔར་བསྟན་སྔགས
104b2 ཀྱིས་དབུལ། ནག་པོ་ཆེན་པོའི་རྒྱུད་དུར་ཁྲོད་ནག་པོ་ལས། སྦྱིན་སྲེག་གི་ལེའུ་སྟེ་དགུ་པའོ།། །། ནག་པོ་ཆེན་པོས་གསོལ་པ། མནན་པའི་ཆོ་ག་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ
104b3 པ།། མནན་པའི་ཆོ་ག་བཤད་པར་བྱ།། ཐིག་བཞི་པ་ལ་རེ་མིག་དགུ།། ཐིག་སྐོར་གཉིས་ཀྱིས་བསྐོར་བ་བྲི།། དེ་ནས་ཡི་གེ་བྲིས་ནས་ནི།། རྩ་བའི་སྔགས་ནི་དབུས་སུ་བྲི།། བར་མའི་ཆ་ལ་སྙིང་པོ་བྲི།། ཐ་མར་ཉེ་བའི་སྙིང
104b4 པོ་བྲི།། འཁོར་ལོ་རྩིབས་བརྒྱད་བྲིས་ནས་ནི།། འབོད་རྦད་གཉིས་ནི་རྩིབས་པར་དགོད།། ཡི་གེ་གཞི་དང་སྙིང་པོ་ནི།། མིང་དང་སྤེལ་ནས་ནང་ཚལ།། བསད་པ་བརྒྱད་ནི་ཟད་ཀ་སྟེ།། ཐིག་ལེས་དེ་དག་འཁོར་བར
104b5 བྱ།། རབས་ཆད་ཐོད་པ་གཡས་གཡོན་ལ།། བྲིས་ནས་དེ་ནང་ལིངྒ་གཞུག། དེ་ནས་ཉི་མ་བདུན་གྱི་བར།། སྦྱོར་བ་བཞི་ཡི་ཆོ་ག་བརྩམ།། དེ་ནས་ཉི་མ་དང་པོ་ལ།། ཨོཾ་ཡ་མ་རཱ་ཛས་དོ་མེ་ཡ། ཡ་མེ་དོ་རུ་ཆེ་གེ་མོ་པྲ་མོ་ཡཾ
104b6 ཀུ་རུ་ཧཱུཾ་ཕཊ། ཉི་མ་གསུམ་པ་ལ། ཡ་ད་ཡོ་ནི་ར་ཡ་ཀྵེ་ཡ་ཆེ་གེ་མོ་རཀྟ་ཙ་ར་ཡ་ས་ཡ་ཧཱུཾ་ཕཊ། ཉི་མ་བཞི་པ་ལ། ཡཀྵ་ཡཙྪ་ནི་ར་མ་ཆེ་གེ་མོ་མཱ་ར་ཡ་ཧཱུཾ་ཕཊ། ཡ་བ་ཏི་དང་ཕྱཝ་སངས་དང་།། གཤིན་རྗེ་འབེབས་པ་མ་རྣམས
iiif viewer powered by OpenSeadragon
