| e-texts navigator |
| Wylie |
98a1 དོ།། དེས་དགྲ་ཟོ་སྟོང་ཡང་ཁ་བཅིང་བར་འགྱུར་རོ།། མ་མོས་དགྲ་བོའི་ཁ་བཅིངས་པའི་ལེའུ་སྟེ་བཞི་བཅུ་པའོ།། །། གསུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད
98a2 དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་ངན་སེམས་བྱེད་པ་ལ།། ནན་ཏུར་ལས་རྣམས་ཇི་ལྟར་འཚལ།། རྫོགས་སངས་རྒྱས་ལ་བདག་ཉན་འཚལ།། རྫོགས
98a3 སངས་རྒྱས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ
98a4 གནོད་བྱེད་དང་།། བདག་ལ་ངན་སེམས་བྱེད་པ་ལ།། ནན་ཏུར་ལས་རྣམས་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། ཇི་ལྟར་ཡིད་འཐད་གནས་སུ་ནི།། འབྲུ་སྣ་ཚོགས
98a5 པའི་མི་གཟུགས་ལ།། མཁར་ཐབས་མདའ་ཡིས་བརྒྱན་ནས་ནི།། སླེའུ་བཟང་དར་དཀར་ཆས་ཀྱིས་བརྒྱན།། ཡོ་བྱད་ཚོགས་པའི་སྡེར་ཆ་ལ།། ཟ་འོག་མདའ་ཡིས་རྣམ་པར་བརྒྱན།། སླེའུ་ཟངས་སྨེ་རིས་སྒྲ་ཡི
98a6 རྐྱེན།། རིན་ཆེན་སྣ་བདུན་རྒྱན་གྱིས་བརྒྱན།། མ་ཧཱ་ཤནྟི་གཞུང་བཞིན་བརྗོད།། ཕོ་རིགས་རྣམས་ལ་གཞུང་བཞིན་བསྔོ།། དེ་ནས་གཞུང་བཞིན་བསྔོ་བ་དང་།། སོལ་བའི་དོང་ཁྲུ་གང་བའི་ནང་དུ་ཕྱི་རྒན་དུ་མནན
iiif viewer powered by OpenSeadragon
