| e-texts navigator |
| Wylie |
93b1 ནས་བྱུང་བར་བྱའོ།། དེ་ནས་སོར་གཅིག་པར་བྱས་པའི་སྤྱི་བོར་གསང་བའི་ཧེ་རུ་ཀ་དགོད་སྐེད་པའི་རྒྱ་མདུད་ལ་གསང་བའི་ཁྲོ་མོ་དགོད། སྟོད་ཀྱི་ལྡུམ་གཞོགས་ལ་གསང་བའི་མ་བཞི་དགོད་དོ།། རྩེ་མོ་ལ་ཨེ་ཀ་ཛ
93b2 ཊི་དགོད་དོ།། དེ་ནས་མདུན་གྱི་དཀྱིལ་འཁོར་ཨེའི་སྟེང་དུ་བཞུགས་སུ་གསོལ། དེ་ནས་བྱིན་གྱིས་བརླབ་པ་དང་། དབང་བསྐུར་བར་བྱ་སྟེ། དེ་ནས་དྲིལ་ཞིང་འདི་བརྗོད་དོ། ཨོཾ་གུ་ཧྱ་ཤྲཱི་ཧེ་རུ་ཀ་ཧཱུཾ། གུ་ཧྱ་ཀྲོ་ཏི་ཤྭ་རཱི
93b3 སྟྭཾ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ཡ་ཕཊ། ཅེས་བཟླས་ཤིང་གང་ལ་དམིགས་པ་དེའི་དཀར་ནག་གི་མཚམས་སུ་བརྡེག་གོ། ཕུར་བུ་སོར་གསུམ་པ་ལ། སྤྱི་བོར་འཇམ་དཔལ་འཇིགས་བྱེད་ཧེ་རུ་ཀ་དགོད། རྒྱ
93b4 མདུད་འོག་མ་ལ་ཡུམ་ཆེན་མོ་ཉིད་གཞི་མུ་ཁ་ལེ་དགོད། སྟོད་ཀྱི་ལྷུམ་གཞོགས་ལ་ཁྲོས་མའི་དབང་མོ་ཆེ་བཞི་དགོད། རྩེ་མོ་ལ་ཧཱུཾ་གསུམ་དགོད། དེ་ནས་མདུན་གྱི་ཉི་མའི་དཀྱིལ་འཁོར་ལ་བཞུགས་སུ་གསོལ། བྱིན
93b5 གྱིས་བརླབ་པར་བྱ། དབང་ཡང་བསྐུར་རོ།། དེ་ནས་འདི་བརྗོད་དོ།། ཨོཾ་ཛྙཱ་ན་ཤྲཱི་ཧེ་རུ་ཀ་ཛྙཱ་ན་ཀྲོ་ཏཱི་ཤྭ་རཱི་སྟཾ། བཛྲ་ཀཱི་ལི་ཀཱི་ལི་ཡ། དགྲ་བོ་མཱ་ར་ཡ་ཕཊ། དེ་ནས་ཕུར་བུ་སོར་ལྔ་པ་ལ་སྤྱི་བོར་དཔལ་ཆེན་པོ་དགོད།།
93b6 སྐེད་པའི་རྒྱ་མདུད་ལ་ཡུམ་བཀྲག་གསལ་མཉམ་དགོད། སྟོད་ཀྱི་ལྡུམ་གཞོགས་ལ་ཡུམ་ཆེན་མོ་བཞི་དགོད། རྩེ་མོ་ལ་ཛ་དམར་པོ་གཅིག་དགོད། དེ་མདུན་གྱིས་ནམ་མཁའ་ལ་བཞུགས་སུ་གསོལ། བྱིན་གྱིས་བརླབ
iiif viewer powered by OpenSeadragon
