| e-texts navigator |
| Wylie |
92b1 ཚོགས་དང་ཁྲག་ཏུ་སྦྱར་ནས་བཏབ་ལ། དགྲ་བོའི་ཁྱིམ་ལ་ཕོག་པར་གཏོར་རོ།། ཅེས་དྲག་ཏུ་བཟླས་པ་ཤིང་། དགྲ་བོ་ཟག་རིངས་ན་ཡུལ་ཕྱོགས་སུ་གཏོར་རོ།། མ་མོའི་ཐུན་སྔགས་ཀྱི་ལེའུ་སྟེ་སོ་བཞི
92b2 པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། དབང
92b3 དུ་བསྡུ་བ་ཇི་ལྟར་ལགས།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན
92b4 པོ་འཇིག་པ་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། དབང་དུ་བསྡུ་བ་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས
92b5 བསྟན་ལ་ཐེ་ཚོམ་མེད།། དགྲ་བོ་དབང་དུ་བསྡུ་བ་འདི་ལྟར་བྱ་སྟེ།། གྲོ་ག་ལ་དགྲ་བོའི་མིང་དུས་བྲིས་ལ། རི་དྭགས་ཆུར་འཛུལ་བའི་མིག་དང་། ཉ་ཟང་ལ་རྒྱུག་པའི་གཤོག་པ་དང་།། ཆུ་ཉི་མ་མེད་པ་དང་། དེ་རྣམས
92b6 བསྲེས་ལ་ཉུང་དཀར་དང་ཐལ་ཆེན་ལ། སྔགས་ཀྱིས་བཏབ་པ་ལ། ཁྱིམ་མམ་ཡུལ་ཕྱོགས་སུ་གཏོར་རོ།། མིང་བྱང་དོག་པས་བཅིངས་ལ་རྐང་པའི་བར་དུ་གཞུག་གོ། ངན་སྔགས་ལ། པ་ར་ཙོ་ཏ་ནི། མ་མ་བ་ཏ་ན།
iiif viewer powered by OpenSeadragon
