| e-texts navigator |
| Wylie |
85b1 ལྟར་གསང་བའི་མ་བཞི་ལ་དྲིལ་ལོ།། དེ་ནས་འབར་མ་དགུ་རྦད་པ་འདི་སྐད་དོ།། ཧཱུཾ་ནང་གི་འབར་བ་ཁྲག་འཐུང་ལྔ།། རྩ་བཞིའི་དྲོད་ལ་དབང་སྒུར་མ།། ཚེ་གསུམ་འབར་མ་ད་ཚུར་བྱོན། ཁྲག་ཆེན་ཀློང་ནས་ལྗགས
85b2 འདྲིལ་མ།། ཡུམ་བཞི་འགས་མ་ད་ཚུར་བྱོན།། རྣམ་ཤེས་འདྲེན་པའི་གད་རྒྱངས་ཅན།། སྙིང་འདྲེན་མ་མོ་ད་ཚུར་བྱོན།། ཀུན་གཞི་སྡུད་པའི་ཚུལ་མཁན་མོ།། མྱོས་བྱེད་མ་མོ་ད་ཚུར་བྱོན།། མ་བཞི་ཀློང་ནས་ཁྲག་ཆེན
85b3 འདོར།། གསལ་འཛིན་འབར་མ་ཀློང་དགུ་མོ།། ཡུམ་ཆེན་འབར་མ་ད་ཚུར་བྱོན།། ཀློང་ན་གནས་པའི་འབར་མ་ལྔ།། གནོད་པའི་དགྲ་བགེགས་ཀློང་ནས་དྲོངས། ཁྲག་འཐུང་ཆེན་མོ་བྱོལ་མཁན་མ།། གོང་ན་གནས
85b4 པའི་འབར་མ་ལྔ།། ཀློང་ནས་ནི་ཀློང་དུ་རྒྱོབ།། གནས་ནས་ནི་གནས་སུ་སྤོར། མ་ཧཱ་ཙིཏྟ་སྥ་ར་ཎ་ཕཊ། མ་ཧཱ་རཀྟ་ལ་བྷྱོ། མ་ཧཱ་མཱཾ་ས་ལ་བྷྱོ། མ་ཧཱ་ཏྲག་རཀྟ་ཙིཏྟ་ཁཱ་ཧི། འདི་ལྔ་ནི་སྦས་པའི་མ་བཞི་དང་། ཡང་སྦས་ཀྱི
85b5 མ་མོ་གཅིག་སྟེ་ལྔའོ།། དེ་ལྔ་ནི་ཡེ་ཤེས་ཀྱི་འཕྲོ་འདུ་མ་ལྔའོ།། དེ་ནས་ཕྱིའི་མ་མོ་བཞི་བསྐུལ་བ་འདི་སྐད་དོ།། ཧཱུཾ་ཕྱི་རིམ་མ་མོ་འབར་མ་བཞི།། རྩ་བཞིའི་ཀློང་ནས་རྒྱ་གྲམ་འཕྱོ།། དཀར་མོ་འབེབས་མཁན་ཚེ་འཕྲོག
85b6 མ།། སྔོན་མོ་འབེབས་མཁན་སྲོག་འཕྲོག་པ།། དམར་མོ་འབེབས་མཁན་དབང་ཕྲོག་མ།། སེར་མོ་འབེབས་མཁན་གཟི་འཕྲོག་མ།། ཕྱི་རིམ་འདྲེན་པའི་འབར་མ་བཞི།། འཁྲུག་བྱེད་མ་མོའི་ལས་ལ་བབ།། གཡུལ
iiif viewer powered by OpenSeadragon
