| e-texts navigator |
| Wylie |
82b1 ཕྱར་ཏེ་སྡང་མིག་བལྟ།། ཨ་ཏིའི་རྦ་ཡི་ལྕགས་ཀྱིས་གདབ།། རྦ་ན་ཏ་ཡི་དུད་པས་བདུག། ཙ་ར་ཏ་ཡི་མདའ་ཡིས་བརྡེག། ཀུ་པ་ར་ཡི་མགུལ་དུ་གདགས།། མ་ལ་ཏ་ཡི་སྒོམ་ནས་བྱུང་།། ལྕེ་འབར་མ་ཡི་སྙིང་པོ
82b2 བཟླས།། རྣ་ཉན་ཕྲ་མའི་གཟུགས་བྲིས་ལ།། ལྷ་དང་མི་ཡི་བར་དུ་གཞུག། མཱ་ར་ཡ་ཡི་སྔགས་ཀྱིས་དབྱེ།། མཚོན་ཆའི་ཕྱག་རྒྱ་བཅིངས་ནས་ནི།། གཟུགས་ཀྱི་བར་དུ་བརྡེག་པར་བྱ།། རཀྵ་རུ་ཏའི་སྔགས་ཀྱི
82b3 གདབ།། ལྕགས་ཀྱུའི་ཕྱག་རྒྱ་གཉིས་བཅིངས་ལ།། ཨངྐུ་ཤ་ཡི་སྔགས་ཀྱིས་དྲངས།། ཞགས་པའི་ཕྱག་རྒྱ་གཉིས་བཅིངས་ལ།། པཱ་ཤ་ཧཱུཾ་གི་སྔགས་ཀྱིས་བཅིངས།། ལྕགས་སྒྲོག་ཕྱག་རྒྱ་གཉིས་བཅིངས་ལ།། སྒྲོ་ཊ་བཾ
82b4 གྱི་སྔགས་ཀྱིས་བསྡམ།། དྲིལ་བུའི་ཕྱག་རྒྱ་གཉིས་བཅིངས་ལ།། གྷཎྜེ་ཧོ་ཡི་སྔགས་ཀྱིས་སྦར།། བདག་ཉིད་ཆེན་མོའི་སྐུར་བསྒོམས་ཏེ།། ཕོ་ཉ་དྲུག་རྣམས་གཏན་ལ་དབབ།། གོང་མའི་ལས་རྣམས་སྦྱར་ཏེ་བྱ།། དེས
82b5 ནི་མཚན་མ་འབྱུང་བར་འགྱུར།། དེས་ཀྱང་མཚན་མ་མ་བྱུང་ན།། ད་ར་པ་ཏིའི་སོག་པ་ལ།། མ་ལ་ད་ཡི་ཁྲག་གིས་བྲིས།། ཏ་ན་ག་ནའི་དོང་དུ་གཞུག། ཆེ་མཆོག་ཡབ་ཡུམ་བསྒོམས་ནས་ནི།། སྨན་མོའི་སྔགས་དང
82b6 ཕྱག་རྒྱ་གདབ།། བསྐུལ་བའི་ཕྲིན་ལས་གཞུང་བཞིན་བྱ།། མ་མོའི་ཉེ་འགྱེད་ཀྱི་ལེའུ་སྟེ་ཉེར་བདུན་པའོ།། །། གཡུང་དྲུང་ལྷ་ཡིས་ཡང་གསོལ་པ།། དམ་ལས་འདས་པའི་སྔགས་གཟེར་དང་།། མཚན་མ་ངན
iiif viewer powered by OpenSeadragon
