| e-texts navigator |
| Wylie |
82a1 རྣལ་འབྱོར་པས་ཨ་ལ་ལའི་སྒྲ་བྱུང་ངོ་།། བསམ་རྫོགས་བདེ་བའི་ལེའུ་སྟེ་ཉེར་དྲུག་པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལ་འགལ
82a2 བྱེད་དང་།། རྟག་ཏུ་གདུག་སེམས་གྱུར་པ་ལ།། སེམས་ལུས་སོ་སོར་དབྲལ་བའི་ཕྱིར།། ལྷ་དང་དབྱེ་བ་ཇི་ལྟར་ལགས།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ
82a3 སྐད་གསོལ་བ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། རྟག་ཏུ་གདུག་སེམས་གྱུར་པ་རྣམས།། སེམས་ལུས་སོ་སོར
82a4 དཔྲལ་བའི་ཕྱིར།། དགྱེ་བའི་ལས་རྣམས་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། དགྲ་བོ་ལྷ་དང་དཔྲལ་བའི་ཕྱིར།། བྱ་རོག་འུག་པའི་དང་རུ་ལ།། ཨ་དང་ནརྀ་ཡི་མིང
82a5 བྲིས་ལ།། ལྟེ་བ་རྐང་གི་དྲེག་པས་བླ་ན།། ཤོག་ཤོག་ཚོན་རེ་གྲུ་བཞི་ལ།། ལྷ་དང་མི་ཡི་མིང་བྲིས་ལ།། ཚོན་སྐུད་སྣ་ལྔས་བྱད་དུ་གཞུག། རྐང་དུ་རྫ་ལུང་བཅུག་ནས་ནི།། འགི་ཏིའི་ཕྱིན་ཕྱོགས་དག་ཏུ་བསྟན།། དུ་ར
82a6 ནག་པོ་རྟ་རྐང་བསྡམས།། མན་དྷ་ལ་ཡི་དར་གྱིས་དཀྲིས།། ཨ་ཏཱི་ནརྀ་བ་ཏིའི་ཐག་པས་བཅིངས།། ད་ར་པ་ཏའི་རྒྱུས་པས་གདགས།། སྦ་མ་དག་གི་དུད་པས་བདུག། བྲིག་ཤའི་ཤིང་ལ་བརྟགས་ནས་ཀྱང་།། ཐང་ལ
iiif viewer powered by OpenSeadragon
