| e-texts navigator |
| Wylie |
80b1 ལྡང་བ་དང་།། འོད་ཟེར་གདུག་པ་འབར་བ་དང་།། དངོས་གྲུབ་མཆོག་ཏུ་གྱུར་པ་སྟེ།། ཏིང་འཛིན་འཁོར་ལོ་བསྐོར་བ་དང་།། འབད་དེ་གཡོག་ལྟར་བྱེད་པར་འགྱུར།། གཟུགས་དང་ཆེ་ཡང་བདེ་ལྡན་ཞིང་།། མཐུ
80b2 ཡང་ཕྱག་ན་རྡོ་རྗེ་བཞིན།། ཧཱུཾ་ཞེས་པས་ནི་རི་སྙིལ་བའོ།། དེ་ནས་རྒྱལ་པོའི་ས་བཟུང་བ།། རས་སམ་རྩིགས་པའི་ངོས་དག་ལ།། བཅོམ་ལྡན་འདས་མ་བྲི་བར་བྱ།། བདག་གམ་ར་ཡི་ཁྲག་དག་ལས།། གཏོར་མ
80b3 རྒྱ་ཆེར་བྱིན་ནས་ནི།། བ་ཤའི་ཤ་ཆེན་བདུག་པ་བྱ།། རྒྱས་པ་བརྒྱ་སྟོང་བཟླས་ན་འགྲུབ།། སྔགས་ཀྱི་མཆོག་ཀྱང་བསྙེན་པ་སྟེ།། ལས་དབང་དེ་ཡིས་འགྲུབ་པར་བྱེད།། བདག་སྒྲ་དག་ནི་བལ་ནས་སུ།། ཉི་ཤུ་རྩ
80b4 ལྔར་བསྲེག་པ་ན།། ནུབ་གསུམ་གྱིས་ནི་ནད་རྣམས་ཆད།། སྐྲ་དང་སེན་མོ་བྱིན་པའི་སྤུ།། བདག་གི་ཁྲག་དང་བསྲེས་ནས་སུ།། ཉི་ཤུ་རྩ་ལྔར་བསྲེགས་པས་ན།། སྦྱིན་བསྲེག་མཐའ་རུ་དགྲ་མེད་དོ།། བདག་གི
80b5 ཁྲག་གིས་སྙིང་ག་རུ།། དགྲ་ཡི་མིང་རུས་བྲིས་ནས་སུ།། གོས་གཤེར་བ་རུ་བགོས་པ་སྟེ། ཁ་ཤར་དུ་བལྟས་ཏེ་གོམ་སྟབས་ཀྱི་བར་དུ་ཁྲོ་ཞིང་འཛབ་བཟླས་ན་དགྲ་བོ་མོད་ལ
80b6 མེད་དོ།། ཁྲག་གིས་ལྤགས་པའི་གོས་ཀྱི་དུམ་བུ་གཅིག་གཟུགས་དེ་ལ་དག་བ་ལ་བདག་གི་ཁྲག་དང་། ཉུང་དཀར་བསྲེས་ལ། ལན་ཉི་ཤུ་རྩ་ལྔར་བསྲེག་ན་དགྲ་མེད་དོ།། ཝ་ཤའི་གང་གི་གཟུགས་བྱས་ཏེ། བྱ་རོག
iiif viewer powered by OpenSeadragon
