| e-texts navigator |
| Wylie |
7b1 བསྟན་པའི་ལེའུ་སྟེ་བཞི་པའོ།། །། ཕྲ་མེན་རྒྱ་མཚོས་ཡང་གསོལ་པ།། ནག་མོའི་རིམ་པ་གང་ལགས་པ།། རྫོགས་སངས་རྒྱས་ལ་བདག་ཉན་འཚལ།། སྤྱི་དཔལ་ཆེན་པོས་བཀའ་སྩལ་པ།། ཧཱུཾ། ཡུམ་གྱི་ཐུགས
7b2 མཆོག་འབར་བ་ལས།། གསེར་ཀྱི་ཐིག་ལེ་གྲུ་གསུམ་ནས།། བཙོ་མ་གསེར་གྱི་སྐྲག་པ་ལ།། རྡོ་རྗེ་ཧ་ཡི་ཕྲེང་བས་བརྒྱན།། ཐུགས་ལས་ཡེ་ཤེས་འོད་གསལ་མ། ཁྱོད་ཀྱི་ཐུགས་དམ་བསྐང་བ་ནི།། ལྕགས་སྒོང་ནག་པོ
7b3 འབར་བ་ལ།། གཡུ་ཡི་ཐིག་ཕྲན་འབར་བ་འཕྲོས།། ཡུམ་གྱི་ཐུགས་ལས་སྤྲུལ་པ་སྟེ།། མཐོ་ཡང་དེ་ནི་མི་མཐོ་སྟེ།། རི་རབ་ཀྱི་ནི་ཟོམ་ལས་འཕར།། དམའ་ཡང་དེ་ནི་མི་དམའ་སྟེ།། རྒྱ་མཚོ་ཆེན་པོའི་གཏིང་ནས
7b4 ཉུལ།། སྒོ་ང་རང་གིས་རང་བརྡོལ་བས།། ཤ་ཟན་མཆུ་གུག་རིགས་སུ་བྱུང་།། བྱ་ཆེན་འདི་ཡི་དཔྲལ་བ་ནི།། རི་རབ་འབུམ་པའི་གཏོས་དང་མཉམ།། དབུ་ལ་གཡུ་ཡི་ར་འབར་བ།། ནམ་མཁའི་ཁམས་ཀྱི་མཐོངས་སུ
7b5 སླེབས། ཁ་ཡིས་ཀླུ་བདུད་དྲེགས་པ་ནི།། འོག་གི་རྒྱ་མཚོའི་གཏིང་ནས་འདྲེན།། མིག་ནི་ཉི་ཟླ་འབར་བ་སྟེ།། ཀླུ་བརྒྱད་ཟིལ་གྱིས་གནོན་པར་བྱེད། ཁ་ནས་མེ་འབར་རྒྱ་མཚོ་སྐེམས།། སེམས་ནི་ཆགས་སྡང་ལྔ་དང
7b6 ལྡན།། སྡེར་མོ་གཡུ་སྡེར་འབར་བ་ཡིས།། ཆུ་སྲིན་ནག་པོའི་སྙིང་ནས་འདྲེན། ཁ་རླངས་ན་བུན་བཞིན་དུ་ཆགས།། དུང་གི་གཤོག་འདབ་འབར་བར་བ་ལས།། གཡུ་ཡི་གཤོག་རྩེ་ཟེར་འཕྲོ་བས།། ཐགས་བཟངས
iiif viewer powered by OpenSeadragon
