| e-texts navigator |
| Wylie |
79b1 གྱི་སྟེང་།། དུས་གཏོར་བྱས་ན་རྟག་ཏུ་ངན་དམེ་བྱེད་པའོ།། དགྲ་ཡི་ཕྱོགས་སུ་བརྟགས་ནས་སུ།། དུར་ཁྲོད་དང་ནི་ཁྲག་དག་ལ།། བརྒྱ་སྟོང་བར་དུ་བཟླས་བསྲེག་ན།། དཔུང་གི་ཚོགས་རྣམས་འཇིགས་པར
79b2 བྱེད།། ལག་པ་ལ་ནི་བརྒྱ་སྟོང་བར་དུ་བཟླས་ཧེ་ས་ལ་བརྡབས་ན། གཏེར་གྱི་བདག་པོ་འབྲོས་པར་འགྱུར།། ཡོ་བྱད་སྔོན་པོས་བསྐུར་ནས་ནི།། མངར་གསུམ་ཡོན་དུ་ཕུལ་ནས་སུ།། ལག་མཐིལ་ས་ལ་བརྡབས་ནས
79b3 ནི།། མྱུག་ཅིང་ཞག་བདུན་བར་དུ་བརྒྱ་སྟོང་བཟླས།། གཏེར་ཁུགས་པ་ནི་གདོན་མི་ཟ།། རིང་པར་སྙིང་ནས་བཟླས་བྱས་ཏེ།། སྐུ་གདུང་ལྡན་པའི་མཆོད་རྟེན་ལ།། མཆོད་པ་རྒྱ་ཆེན་བྱས་ནས་སུ།། ཟས་གཙང་མ་དག
79b4 ཟ་བཞིན་དུ།། བརྒྱ་སྟོང་བཟླས་ན་མཁའ་ལ་འགྲོ།། གཞན་གྱི་དབང་དུ་མི་འགྱུར་ཞིང་།། ཀུན་གྱི་བླ་ན་སྤྱོད་པ་དང་།། གནོད་སྦྱིན་ཀུན་དང་ལྷན་ཅིག་ལྡིང་།། ཕྱག་ན་རྡོ་རྗེ་མཆོད་ནས་ནི།། དེ་ཡི་གཡས་ཀྱི་ཕྱོགས་སུ
79b5 ནི།། ཨ་ཤྭཏྠ་ཡི་འདབ་མ་ལ།། འོག་བཞི་བཞག་སྟེ་སྟེང་དུ་གསུམ།། དེ་ལྟར་ཞག་གསུམ་ཟིན་ནས་ནི།། འབྱུང་པོ་ཀུན་ལ་གཏོར་མ་སྦྱིན།། གྲུབ་པའི་མཚན་མ་གསུམ་གྱི་བར།། དེ་ཡི་བར་དུ་སྙིང་པོ་བཟླས།། འགྲོ
79b6 བར་དཀའ་བར་རབ་ཏུ་འགྲོ།། བར་དུ་བསྡུས་ཀྱང་གཏོར་མི་སྲིད།། འབར་བས་མཁའ་ལ་འགྲོ་བར་འགྱུར།། དུར་ཁྲོད་ཀྱི་ནི་དབུས་ཉིད་དུ།། ཕྱག་ན་རྡོ་རྗེའི་གཟུགས་བཞག་སྟེ།། རལ་གྲི་ལག་གིས་བཟུང་ནས
iiif viewer powered by OpenSeadragon
