| e-texts navigator |
| Wylie |
78b1 གྱིས།། མ་འདྲེས་ཚོན་གྱིས་བྲི་བ་ནི།། གསེར་གྱི་ཁ་དོག་ལྟ་བུ་ཡི།། ཕྱག་གཉིས་བརྐྱང་བའི་ཕྱག་རྒྱ་ཡིས།། བླ་མེད་སྤྱི་དཔལ་དེ་བྲིས་ཏེ།། གཡོན་གྱི་ཕྱོགས་སུ་བྲི་བ་ནི།། ཕྱག་ན་རྡོ་རྗེ་དབུ་སྨད་ཅིང་།། སྐུ་མདོག
78b2 དཀར་འཚེར་ཚུལ་དུ་བྲི།། དེ་ཡི་འོག་ཏུ་བྲི་བ་ནི།། རིག་པ་འཛིན་པའི་ངོ་བོ་ནི།། གསེར་གྱི་པོག་ཕོར་བཟུང་ནས་ནི།། དེ་ལ་མཆོད་པ་བྱེད་པར་བྲི།། དེ་ནས་བསྙེན་པ་བྱེད་པ་ནི།། བ་ན་ས་ཡི་དྲི་ཆུ་དང་།། འོ་མ་ནས
78b3 ཕྱིཕྱེས་ལུས་བཀྲུས་ཏེ།། བསྙེན་པ་གཞུང་བཞིན་བྱེད་པའོ།། གཙང་མའི་གོས་ཀྱིས་རབ་བརྒྱན་ཏེ།། རྒྱལ་བའི་སྐུ་ལ་མཆོད་པ་དང་།། རྟག་ཏུ་ཕྱག་ན་རྡོ་རྗེ་ལ།། མོས་པའི་སེམས་ཀྱིས་གཏོར་མ་དབུལ།། སྐུ་གཟུགས
78b4 མཆོད་རྟེན་སྤྱན་སྔ་རུ། བཟླས་ན་དངོས་གྲུབ་མཆོག་ཆེན་སྟེར།། དེ་ནི་བྱས་ན་ཉམས་པའང་འགྲུབ།། ཞི་དང་དབང་དང་རྒྱས་དང་བསྐྲད།། བསྐང་བའི་ལས་དང་དགུག་ལ་དང་།། རྣམ་པར་དབྱེ་དང
78b5 འཕྲོག་པ་དང་།། དུས་སླ་བ་དང་རབ་ཏུ་ཐར།། རྩོད་དང་འཁྲུག་པ་རྣམ་བཅོམ་པ།། ཕ་རོལ་སྡེ་རྣམས་བཤིག་པ་དང་།། ནམ་མཁའ་ལ་ནི་འགྲོ་བ་དང་།། སྤུ་གྲི་རལ་གྲི་འཁོར་ལོ་དང་།། རྡོ་རྗེ་གསལ་ཤིང་ཕུར་བུ
78b6 རྣམས།། བསམ་པ་གཅིག་གིས་འགྲུབ་པར་བསྟན།། དེ་ནས་དབང་དུ་བྱ་བ་ནི།། སྦྲང་རྩི་ཞོ་དང་དུར་བ་རྣམས།། མར་དང་ཉུང་དཀར་ལ་སོགས་ལ།། བརྒྱ་སྟོང་བཟླས་ཤིང་བསྲེག་པ་ན།། དབང་དུ་མི་འདུ་གང་ཡང
iiif viewer powered by OpenSeadragon
