| e-texts navigator |
| Wylie |
76a1 བྱ།། སྐྱེ་བ་མེད་པས་བྷ་ཞེས་བྱ།། འགག་པ་མེད་པས་ག་ཞེས་བྱ།། སྣ་ཚོགས་འབྱུང་བས་བྷ་ཞེས་བྱ།། ཅིར་ཡང་འབྱུང་བས་ག་ཞེས་བྱ།། ཀུན་ལ་ཁྱབ་པས་བྷ་ཞེས་བྱ།། རྫུ་འཕྲུལ་ཆེན་པོ་ག་ཞེས་བྱ།། ཡང
76a2 ན་མཁའ་རྣམ་པར་དག་པ་ཞེས་བྱ་སྟེ། དབྱིངས་རྣམ་པར་དག་པ་ཞེས་ཀྱང་བྱ། བྷ་ག་ཀློང་ཞེས་ཀྱང་བྱ། གཏིང་དཔག་མེད་པ་ཞེས་ཀྱང་བྱ། ཡངས་པ་ཆེན་པོ་ཞེས་ཀྱང་བྱ། གཏིང་དཔག་དཀའ་བ་ཞེས་ཀྱང་བྱ། ཀུན
76a3 ལ་ཁྱབ་པ་ཞེས་ཀྱང་བྱ། སྣ་ཚོགས་འབྱུང་བ་ཞེས་ཀྱང་བྱ། འདས་པ་ཀུན་གྱི་གནས་ཞེས་ཀྱང་བྱ། གཤེགས་པ་ཀུན་གྱི་ཤུལ་ཞེས་ཀྱང་བྱ། ཐམས་ཅད་སྡུད་ཅེས་ཀྱང་བྱ། མདོར་འུབ་ཀྱིས་བསྡུས་ན། མཁའ་བཞི
76a4 དབྱིངས་དང་ལྔ། བདེ་བ་ཆེན་པོའི་ཀློང་དབྱིངས་སུ་ཁྱིལ་བ་ཞེས་བྱའོ།། དེ་སྐད་ཅེས་པ་བཀའ་སྩལ་ཏོ།། བྷ་ག་དོན་གྱི་ལེའུ་སྟེ་ཉེར་གཅིག་པའོ།། །། གནོད་འདུལ་ལྷ་ཡིས་ཡང་གསོལ་པ།། འདོད་དགུ་སྒྲུབ
76a5 པའི་ཕྱག་རྒྱ་རྣམས།། སྤྱི་ཡི་ཡབ་ལ་བདག་ཉན་འཚལ།། སྤྱི་ཡི་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། སྤྱི་ཡི་ཡབ་ཀྱིས་བཀའ་སྩལ་པ།། འདོད་དགུ་བསྒྲུབ་པའི་ཕྱག་རྒྱ་ནི།། ཡང་དག་ཉིད
76a6 དུ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། སྤྱི་ཡི་ཕྱག་རྒྱ་བཅིངས་ནས་ནི།། ཆུ་བོ་ཆེན་པོ་འོང་བའམ།། ཆུ་ཀླུང་ཆེན་པོ་གཙང་པོའི་འགྲམ།། གླང་ནི་སྨུག་པོ་དག་ལ་ཞོན།།
iiif viewer powered by OpenSeadragon
