| e-texts navigator |
| Wylie |
75b1 ཚོགས།། ཀུན་ཏུ་བཟང་མོ་ཡུམ་གྱི་དབྱིངས།། མ་མོ་འབོད་པའི་གླུ་ལེན་ཅིང་།། སྒྲ་ནི་སྟོང་གསུམ་ཁྱབ་པར་སྒྲོགས།། བསྒྲུབ་ནི་ཡེ་ཤེས་ཐིག་ལེ་བསྒྲུབ།། བརྟེན་པའི་ཧེ་རུའི་གནས་སུ་བརྟེན།། དུར་ཁྲོད་ཆེན་པོའི་གནས
75b2 འདི་རུ།། ཤ་ཆེན་གསུར་གྱི་དྲི་སྣོམ་ཞིང་།། དུས་འདི་ཉིད་དུ་ཕྲིན་ལས་མཛོད།། མཱཾ་ས་ཆེན་པོ་རི་ལྟར་སྤུངས།། རཀྟའི་རྒྱ་མཚོ་མཚོ་ལྟར་བསྐྱིལ།། རུས་པའི་ཕུང་པོ་རི་ལྟར་སྤུངས།། དྲི་ཆུ་མང་པོ་ཆུ་ལྟར་འབྲུབ།། མ་མོ
75b3 ཆེན་མོ་སྤྲིན་ལྟར་གཏིབས།། ཕོ་ཉ་མང་པོ་སྐར་ལྟར་འཁྲུག། སུམ་བརྒྱ་དྲུག་ཅུའི་དཀྱིལ་འཁོར་འབྱུང་།། དེ་ནི་མ་མོ་སྒྲུབ་པའི་གླུ།། ཡིད་ཙམ་གདུང་ལ་འཁྱུག་པར་བླང་།། ཞེས་བཀའ་སྩལ་ཏོ།། མ་མོ་འབྱུང་བའི་རྒྱུ་དང་།
75b4 མ་མོའི་གླུའི་ལེའུ་སྟེ་ཉི་ཤུ་ཟམ་པའོ།། །། གནོད་འདུལ་ལྷ་ཡིས་ཡང་གསོལ་པ།། རྣལ་འབྱོར་རྣམས་ལ་ཕན་གདགས་ཕྱིར།། བྷ་གའི་དོན་རྣམས་ཇི་ལྟར་ལགས།། སྤྱི་དཔལ་མཆོག་ལ་བདག་ཉན
75b5 འཚལ།། སྤྱི་དཔལ་མཆོག་གིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། སྤྱི་དཔལ་མཆོག་གིས་བཀའ་སྩལ་པ།། རྣལ་འབྱོར་རྣམས་ལ་ཕན་གདགས་ཕྱིར།། བྷ་གའི་དོན་རྣམས་ངས་བསྟན་གྱི།། ཉོན་ཅིག
75b6 གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། བྷ་ག་ཞེས་ནི་བྱ་བའི་དོན།། ཆགས་པ་མེད་པས་བྷ་ཞེས་བྱ།། འདོད་པ་མེད་པས་ག་ཞེས་བྱ།། ཤེས་རབ་དོན་རྟོགས་བྷ་ཞེས་བྱ།། ཐབས་ཀྱི་དོན་རྟོགས་ག་ཞེས
iiif viewer powered by OpenSeadragon
