| e-texts navigator |
| Wylie |
75a1 ལགས།། ཉག་གཅིག་ཡབ་ལ་བདག་ཉན་འཚལ།། ཉག་གཅིག་ཡབ་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ། ཁྲག་ལུང་ཆེན་མོ་ངས་བསྟན
75a2 གྱིས།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། ལྷག་ཆད་བྱུང་ན་འཆི་བར་འགྱུར།། ལྷག་ཆད་མེད་ན་འཚོ་བ་ཡིན། ཁྲག་གི་ཚོགས་ལས་གྲུབ་པ་ཡིས།། ནད་ཡམས་སྣ་ཚོགས་གཏང་བར་བྱ།།
75a3 ཁྲག་སྣ་ཚོགས་པར་བྱ་བ་ནི།། བམ་གྱི་ཁྲག་དང་།། མཁའ་ལ་རྒྱུ་བའི་ཁྲག་རྣམས་དང་།། གཅན་ཟན་གདུག་པའི་ཁྲག་རྣམས་དང་།། སྡེར་ཆགས་མང་པོའི་ཁྲག་སྣ་དང་།། རྨིག་ཟླུམ་ཁ་བྲག་ཁྲག་རྣམས་དང་།། བསད
75a4 དང་གསོ་བའི་ལས་རྣམས་རྒྱུ།། གང་འདོད་ལས་རྣམས་བྱེད་པ་ཡིན།། དེ་ཕྱིར་ཕན་གནོད་མང་ཞེས་བྱ།། ཞེས་བཤད་དོ།། ཁྲག་གི་ལུང་གི་ལེའུ་སྟེ་བཅུ་དགུ་པའོ།། །། རྡོ་རྗེ་སེམས་དཔས་ཡང་གསོལ་བ།། མ་མོ
75a5 འབྱུང་བའི་རྒྱུ་ཞེས་གང་ལ་བགྱི།། མངོན་རྫོགས་དཔལ་ལ་བདག་ཉན་འཚལ།། མངོན་རྫོགས་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་ཡབ་ཀྱིས་བཀའ་སྩལ་པ།། ཉོན་ཅིག་རྡོ
75a6 རྗེ་སེམས་དཔའི་གཙོ།། མ་མོ་འབྱུང་བའི་རྒྱུ་ཞེས་བྱ་བ་ནི།། རྟེན་པའི་གླུ་དང་དབྱངས་ལ་འབྱུང་།། བདག་གིས་འདི་སྐད་བརྗོད་པར་བྱ།། ཧཱུཾ། མ་གཡེལ་མ་གཡེལ་ཐུགས་དམ་ཅན།། མ་གཡེལ་མ་གཡེལ་སྲུང་མའི
iiif viewer powered by OpenSeadragon
