| e-texts navigator |
| Wylie |
74a1 འཚལ་ན།། བླང་དོར་མེད་པ་གང་གིས་འགྲུབ།། སེམས་ཅན་སྐྱེ་ཤི་གང་ལས་བྱུང་།། སེམས་ཀྱི་རྟག་ཆད་ཇི་ལྟར་བགྱི།། ཆོས་ཀྱི་དབྱིངས་ནི་གང་ལ་བགྱི།། མ་མོ་རྣམས་ཀྱི་མཚན་ཉིད་གང་།། དེ་ལ་དབྱེ་བ
74a2 དུ་ཞིག་མཆིས།། གནོད་འདུལ་ལྷ་ཡིས་བཀའ་སྩོལ་ཞུས།། ཡུམ་གཅིག་ཆེན་མོས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི་གཙོ།། མངལ་ལ་སོགས་པ་མི་འཚལ་ན།། བླང་དོར་མེད་པ་གང་གིས་འགྲུབ།། སེམས
74a3 ཅན་སྐྱི་ཤི་གང་ནས་སྐྱེ།། སྲིད་པའི་བྱུང་སྲིད་ཇི་ལྟ་བུ།། ཆོས་ཀྱི་དབྱིངས་ཀྱི་གང་ལ་བྱ།། མ་ནི་རྟག་པ་མེད་པས་མ།། མོ་ནི་སྣང་བ་སྐྱེས་པས་མོ།། མཁའ་དབྱིངས་གཉིས་སུ་མེད་པ་ལ།། སེམས་ཀྱི་རྟག་པ་དེ་ལ་བྱ།། ཆོས
74a4 ཀྱི་དབྱིངས་ཆེན་བརྡལ་བ་ལ།། མཐའ་དང་དབུས་སུ་ག་ལ་ཡོད།། ནམ་མཁའི་གཞལ་ཡས་གདངས་པ་ལ།། སྟེང་དང་འོག་ནི་ག་ལ་ཡོད།། ཤ་ཆེན་དམར་ཆེན་བཀྲམ་པ་ལ། ཁྱོད་དང་ང་རུ་ག་ལ་དབྱེ།། སེམས་ཀྱི་རྟག་པ
74a5 དེ་ལ་བྱ།། ཆོས་ཀྱི་དབྱིངས་ཀྱི་བྱ་བ་ནི།། ཐམས་ཅད་སྐྱེ་བ་མེད་པའི་དབྱིངས།། ཐམས་ཅད་འགག་པ་མེད་པའི་ཀློང་།། མ་བཅོས་མ་བྱས་ཆོས་ཉིད་དོ།། མ་མོ་རྣམས་ཀྱི་མཚན་ཉིད་ནི།། གྲངས་སུ་བགྲང་བར་ག་ལ
74a6 ཡོད།། ཅེས་བཤད་དོ།། མ་མོའི་སེམས་རྒྱན་ལས་འདས་པར་བསྟན་པའི་ལེའུ་སྟེ་བཅུ་བདུན་པའོ།། །། གནོད་འདུལ་ལྷ་ཡིས་ཡང་གསོལ་པ།། སེམས་ཅན་ཀུན་ལ་ཕན་གདགས་ཕྱིར།། དམ་ཚིག་དོན་ནི་བདག་ཉན
iiif viewer powered by OpenSeadragon
