| e-texts navigator |
| Wylie |
73b1 པ།། དོན་དང་གཏན་ཚིགས་དེ་ལྟར་ལགས།། དེ་བས་བུ་མེད་བྱི་ལའང་འཛག། དུད་འགྲོ་རྣམས་ཀྱི་ཕྱིར་མི་འཛག། སྲོག་རྩར་འཁྱུད་ནས་མངལ་དུ་འབབས།། ཕོ་དང་འཕྲད་ན་སྲིད་པར་ཆགས།། དེ་ལས་འགྲོ་བ་ཐམས
73b2 ཅད་འབྱུང་།། དོན་འདི་རབ་ཏུ་གསང་བར་བྱ།། ཞེས་བཤད་དོ།། དྲོད་ལུང་གི་ལེའུ་སྟེ་བཅོ་ལྔ་པའོ།། །། རྡོ་རྗེ་སེམས་དཔས་ཡང་གསོལ་པ།། གསང་བ་སྤྱི་ལུང་ཇི་ལྟར་ལགས།། གསང་བའི་དཔལ་ལ་བདག་ཉན
73b3 འཚལ།། གསང་བའི་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། གསང་བའི་བདག་པོས་བཀའ་སྩལ་པ།། གསང་བ་ཆེན་པོའི་སྤྱི་ཡི་ལུང་།། ངས་བསྟན་པ་ལ་ཐེ་ཚོམ་མེད།། ཉོན་ཅིག་གཡུང་དྲུང
73b4 ཡང་དག་པ།། གསང་བ་ཆེན་པོ་སྤྱི་ཡི་ལུང་།། གོང་མའི་གསང་བའི་དོན་དེ་ནི།། སྣང་སྲིད་སྤྱི་ལ་ཁྱབ་སྟེ་གནས།། སངས་རྒྱས་རྒྱུ་ནི་རང་ལ་ཡོད།། སྣང་སྲིད་ཁྲག་གིས་བསྡུས་པ་ཡི།། སྤྱི་ཡི་མངའ་དབང་མཛད་པ
73b5 ནི།། ཡུམ་ཆེན་ཉིད་གཞི་ཆེན་མོ་ཡིན།། ཐམས་ཅད་ཉིད་གཞི་ཉིད་ལ་འདུས།། ཡུམ་ཆེན་ཉིད་ཀྱི་དྲོད་འབེབས་པས།། སྤྱི་ཡི་བདག་མོའི་ཡུམ་ཡིན་པས།། ཡུམ་ཆེན་ཉིད་ནི་གསང་བར་བྱ།། དོན་དེ་གསང་བས་གསང་བའི
73b6 ལུང་།། རྟོགས་པར་དཀའ་བས་གསང་བའི་ལུང་།། ཞེས་བཤད་དོ།། གསང་བའི་སྤྱི་ལུང་གི་ལེའུ་སྟེ་བཅུ་དྲུག་པའོ།། །། གནོད་འདུལ་ལྷ་ཡིས་ཡང་གསོལ་པ།། མ་མོ་རྣམས་ལ་ལུང་སྩལ་པ།། མངལ་ལ་སོགས་པ་མི
iiif viewer powered by OpenSeadragon
