| e-texts navigator |
| Wylie |
73a1 ལྡན།། དོན་དེ་ཤིན་ཏུ་རྟོགས་པར་དཀའ།། གཉིས་སུ་མེད་པའི་བྱང་ཆུབ་སེམས།། ཐུན་མོང་མ་ཡིན་རྟོགས་པར་དཀའ།། བྷ་ག་དང་ནི་པདྨའི་དོན།། ཤིན་ཏུ་རྟོགས་པར་དཀའ་བའོ།། སྐྱེ་མེད་དབྱིངས་དང
73a2 ཡེ་ཤེས་ཀྱང་།། སྟོན་པ་ཡི་ནི་ཐུགས་ལ་གབ།། ལུང་དེ་དམན་པས་རྟོགས་པར་དཀའ།། སེམས་ཅན་རྣམས་ལ་ཡེ་ནས་གསང་།། དེ་ནི་ལུང་ཆུད་པ་རྣམས་ལ།། བསྟན་ཀྱང་རྫོགས་པར་མི་འགྱུར་ལ།། བསྟན་ཀྱང་ཡ་ག་སྦ
73a3 ལོར་འགྱུར།། ཆོས་ལ་སྨོད་ཅིང་སྤང་བར་འགྱུར།། དེ་ནི་གསང་བའི་ལུང་ཞེས་བཤད།། གསང་བ་ལུང་གི་ལེའུ་སྟེ་བཅུ་བཞི་པའོ།། །། རྡོ་རྗེ་སེམས་དཔས་ཡང་གསོལ་པ།། དྲོད་ལུང་ཆེན་པོ་ཇི་ལྟར་ལགས།། དྲོད
73a4 ལུང་ཆེན་པོ་བདག་ཉན་འཚལ།། ངོ་མཚར་ལྷ་ཡིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ངོ་མཚར་ལྷ་ཡིས་བཀའ་སྩལ་པ།། དྲོད་ལུང་ཆེན་པོ་ཞེས་བྱ་བ།། ད་ལྟ་ཉིད་དུ་ངས་བསྟན་གྱི།། ཉོན་ཅིག་རྡོ་རྗེ
73a5 སེམས་དཔའི་གཙོ།། ཐམས་ཅད་བསྐྱེད་པའི་ཡུམ་ཡིན་ནོ།། ཡབ་ཡུམ་གཉིས་སུ་མེད་པ་ལས།། དང་པོ་རྒྱུ་འབྱུང་བ་ལྔ་འབྱུང་།། དེ་ལས་སྐྱེ་འགྲོ་ཀུན་ཀྱང་འབྱུང་།། སྐྱེ་འགྲོ་རྣམ་པ་སྣ་ཚོགས་པའི།། པདྨ་ཀུན་ལ་དྲོད
73a6 འབེབས་པའོ།། དེ་ལ་དྲོད་ཀྱི་རང་བཞིན་ནི།། སྙིང་རྩ་དང་ནི་སྲོག་རྩར་འབྲེལ།། དེ་ནི་པདྨར་འདུས་ཏེ་འདུག། སྙིང་ན་ཡུམ་ཆེན་ཉིད་བཞུགས་པ།། དེས་ནི་སྙིང་ལ་དྲོད་འབེབས་སོ།། མོ་རིགས་ཐམས་ཅད་ཁྲག་འཛག
iiif viewer powered by OpenSeadragon
