| e-texts navigator |
| Wylie |
71a1 དང་།། གསང་བའི་ལུང་དང་མ་མོའི་ལུང་།། དྲོད་ཀྱི་ལུང་ཞེས་བྱ་བ་དང་།། གསང་བ་ཆེན་པོའི་སྤྱི་ལུང་དང་། ཁྲག་གི་ལུང་དང་རྫས་ཀྱི་ལུང་།། དམ་ཚིག་ལུང་དང་དགུ་ཞིག་ཡོད།། སྦས་པའི་ལུང་དང་དགུ
71a2 ཞེས་བཤད།། གནོད་འདུལ་ལྷ་ཡིས་ཡང་གསོལ་པ།། ལུང་དགུ་ཇི་ལྟར་འཚལ་བར་བགྱི།། མངོན་རྫོགས་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་དཔལ་གྱིས་བཀའ་སྩལ
71a3 པ།། དུས་ནི་སྔ་ཕྱི་མེད་པར་ཤེས་པར་བྱ།། རི་རབ་རྒྱས་པའི་མཆོད་རྟེན་དུ།། རང་གི་སེམས་དང་ཕུང་པོར་ཤེས་པར་བྱ།། གསང་བའི་ལུང་ནི་ཐུགས་ལ་གབ།། མ་མོ་བྱང་ཆུབ་སེམས་ལས་བྱུང་།། དྲོད་ནི་གཉིས་སུ་མེད
71a4 པའི་དྲོད་ཚད་དོ།། གསང་བ་སྤྱི་ལུང་རྟོགས་པར་དཀའ། ཁྲག་གི་ལུང་ནི་ཕན་ཡོན་མང་།། དམ་རྫས་ལུང་ནི་ཚང་བར་བྱ།། དམ་ཚིག་ལུང་ནི་མ་ནོར་བར་རྟོགས་པར་བྱའོ།། ལུང་གི་ལེའུ་སྟེ་བཅུ་པའོ།། །། གནོད
71a5 འདུལ་ལྷ་ཡིས་ཡང་གསོལ་པ།། དུས་ཀྱི་ལུང་ཞེས་ཇི་ལྟ་བུ།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཡང་དག་རྫོགས་ཀྱིས་དཀའ་སྩལ
71a6 པ།། དུས་ཀྱི་ལུང་ཞེས་བྱ་བའི་དོན།། ངས་གསུང་བ་ལ་ཐེ་ཚོམ་མེད།། ཉོན་ཅིག་གནོད་འདུལ་ལྷ་ཡི་གཙོ།། དུས་གསུམ་གཅིག་སྟེ་ཁྱད་པར་མེད།། སྔོན་མེད་ཕྱི་མེད་གདོད་ནས་རྣམ་པར་དག། དེ་ནི་དུས་ཀྱི་ལུང་ཞེས
iiif viewer powered by OpenSeadragon
