| e-texts navigator |
| Wylie |
70b1 བཟུང་།། མ་མོ་སྒྲུབ་པའི་གྲོགས་པོ་ཡང་། ཁྱད་པར་དུ་ཡང་བརྟག་པར་བྱ།། སྒྲུབ་པའི་མཆེད་དང་ལྕམ་དྲལ་ཡང་། ཁྱད་པར་དུ་ཡང་བརྟག་པར་བྱ།། སྒྲུབ་པའི་རྐྱེན་དང་ཡོ་བྱད་ལ།། རྩིང་ཞིབ་མི་བྱེད་བཀུར་བྱེད་པ།།
70b2 ཁྱད་པར་དུ་ཡང་བརྟག་པར་བྱའོ།། སྒྲུབ་པའི་རྟེན་མོ་བརྟག་པ་ནི།། མིག་ཁམ་པ་ལ་སྐྲ་སེར་བ།། དཔྲལ་བའི་དབྱེས་ན་སྨེ་ཡོད་པ།། མ་མོ་ཐམས་ཅད་མགུ་བར་ཤེས།། དེ་ནི་རབ་ཏུ་བསྟེན་པར་བྱའོ།། སྒྲུབ་པའི་ཞལ་ཟས
70b3 ཡོ་བྱད་ཀྱང་།། རྫས་དང་གསུར་ཆེན་སྨན་ཆེན་རྣམས།། ཡང་དག་ཉིད་དུ་བསག་པར་བྱ།། དེ་ནས་སྒྲུབ་པ་བརྩམ་བྱ་སྟེ།། མ་མོ་ཐམས་ཅད་བསྒྲུབ་པ་ན།། མི་འགྲུབ་པ་ནི་ཡོད་མི་སྲིད།། འགྲུབ་པ་ཉིད་ནི་ཐེ་ཚོམ་མེད།།
70b4 ལྷུར་ལེན་རྣལ་གཉིས་མེད་རྟོགས་པའི་ཁྱད་པ་ར་གཙོ། རྟོགས་པ་ཁྱད་པར་གྱི་ལེའུ་སྟེ་དགུ་པའོ།། །། གནོད་འདུལ་ལྷ་ཡིས་ཡང་གསོལ་པ།། རྣལ་འབྱོར་ཡོངས་ལ་སྨན་སླད་དུ།། ལུང་ལ་རྣམ་པ་དུ་ཞིག་མཆིས།། མངོན
70b5 རྫོགས་དཔལ་ལ་བདག་ཉན་འཚལ།། མངོན་རྫོགས་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་དཔལ་གྱིས་བཀའ་སྩལ་པ།། རྣལ་འབྱོར་ཀུན་ལ་ཕན་གདགས་པའི།། ལུང་གི
70b6 གྲངས་ནི[:]ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་གདོན་མི་ཟ།། ལུང་ལ་རྣམ་གྲངས་དགུ་ཞིག་མཆིས།། དུས་ཀྱི་ལུང་ཞེས་བྱ་བ་དང་།། རི[:]རབ་ལུང་ཞེས་བྱ་བ
iiif viewer powered by OpenSeadragon
