| e-texts navigator |
| Wylie |
70a1 མཐའ་དབུས་མེད་པར་ཁྱབ།། དུས་གསུམ་འགྱུར་མེད་རིན་པོ་ཆེ།། མི་ནུབ་རྒྱ་ཆེན་གསུང་དྲུང་ཡིན།། སྐུ་རུ་བཀྲམ། གསུང་དུ་གྲགས། ཐུགས་སུ་གསལ། དེ་ལ་ཐུགས་སུ་གསུང་སྦས། གསུང་ལ
70a2 སྐུ་ཐིམ་ནས་བདེ་བ་ལ་མན་ངག་ཅེས་བྱའོ།། མ་མོ་མན་ངག་གི་ལེའུ་སྟེ་བརྒྱད་པའོ།། །། རྡོ་རྗེ་སེམས་དཔས་ཡང་གསོལ་པ།། རྟོགས་པའི་ཁྱད་པར་ཇི་ལྟ་བུ།། སེམས་ཀྱི་ཁྱད་པར་ཇི་ལྟ་བུ།། མངོན་རྫོགས་ཡབ
70a3 ལ་བདག་ཉན་འཚལ།། མངོན་རྫོགས་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་ཡབ་ཀྱིས་བཀའ་སྩལ་པ།། རྟོགས་པའི་ཁྱད་པར་ཆེན་པོ་དང་།། སེམས་ཀྱི་ཁྱད་པར་ཆེན་པོའི
70a4 དོན།། ངས་བསྟན་པ་ལ་ཐེ་ཚོམ་མེད།། ཉོན་གཅིག་རྡོ་རྗེ་སེམས་དཔའི་གཙོ།། ཉན་ཐོས་དོན་ལ་མཁས་པ་དང་།། རང་རྒྱལ་བྱང་ཆུབ་སེམས་དཔའ་དང་།། ཀྲི་ཡ་དང་ནི་གཉིས་ཀའི་རྒྱུད།། ཡོ་ག་དང་ནི་ཐེག་པ
70a5 དྲུག། ཀུན་གྱི་དོན་ལ་མཁས་པ་དང་།། བསྐྱེད་པའི་དོན་དང་རྫོགས་པའི་དོན།། རྫོགས་པ་ཆེན་པོ་གསུམ་ལ་མཁས།། ལུང་དང་མན་ངག་ཕུར་ཐུག་པས།། མན་ངག་གདེང་ཅན་རྟོགས་པ་དེས།། མ་མོའི་གནས་ནི་དབེན
70a6 པར་བཙལ།། མ་མོའི་སྒྲུབ་རྫས་ཁྱད་པར་ཅན། ཁྱད་པར་དུ་ཡང་བསག་པར་བྱ།། མ་མོ་སྒྲུབ་པའི་གཟུངས་མ་ནི།། ང་རྒྱལ་མེད་ཅིང་ལྦ་བ་མེད།། ཙག་རོ་མེད་ཅིང་སྐྱོན་མེད་པ། ཁྱད་པར་དུ་ཡང་གཟུངས་མར
iiif viewer powered by OpenSeadragon
