| e-texts navigator |
| Wylie |
69b1 གཤེགས་པ་དང་སོ་སོ་ཐ་མི་དད་དོ།། མ་མོ་ནི་སྙིང་པོའོ།། སྙིང་པོ་ནི་འབྲས་བུའོ།། འབྲས་བུའི་བདག་ཉིད་དོ།། བདག་ཉིད་ནི་བྱང་ཆུབ་ཀྱི་སེམས་སོ།། བྱང་ཆུབ་ཀྱི་སེམས་ནི་སངས་རྒྱས་སོ།། མ་མོ་ནི་འདི་ལྟར
69b2 གནས་པ་དང་། བདག་ཉིད་ནི་ལས་མ་གཏོགས་པ་ལོགས་ན་གནས་པར་མ་གསུངས་སོ།། དེ་ལྟར་རྟོགས་ན་མ་མོ་དབང་དུ་འདུས་པར་གསུངས་སོ།། ཏིང་འཛིན་མ་ཡེངས་གསལ་བ་གཅེས་སོ།། མ་མོ་དབང་དུ་བསྡུ
69b3 བའི་ལེའུ་སྟེ་བདུན་པའོ།། །། རྡོ་རྗེ་སེམས་དཔས་ཡང་གསོལ་པ།། དོན་དུ་མན་ངག་ཇི་ལྟར་ལགས།། མ་མོའི་མན་ངག་བདག་ཉན་འཚལ།། སྤྱི་དཔལ་ཆེན་པོས་བཀའ་སྩོལ་ཅིག། དེ་སྐད་གསོལ་པ་གསན་ནས
69b4 ཀྱང་།། སྤྱི་དཔལ་ཆེན་པོས་བཀའ་སྩལ་པ།། མན་ངག་ཅེས་ནི་བྱ་བའི་དོན།། ངས་བསྟན་པ་ལ་ཐེ་ཚོམ་མེད།། ཉོན་ཅིག་རྡོ་རྗེ་སེམས་དཔའི་གཙོ།། མན་ངག་ཐུགས་ཀྱི་རང་བཞིན་ཏེ།། མན་ངག་གསུང་གི་རང་བཞིན
69b5 ཡིན།། མན་ངག་སྐུ་ཡི་རང་བཞིན་ཏེ།། ཐུགས་ནི་སངས་རྒྱས་ཉིད་ཀྱི་སྤྱོད།། གསུང་ནི་སྒྲ་རུ་གྲག་པ་སྟེ།། སྐུ་ནི་འཇིགས་བྱེད་ཁྲོ་བོའི་སྐུ།། དེ་ནི་མ་མོའི་མན་ངག་དགོངས།། ཡང་ན་མ་མོའི་མན་ངག་ནི།། སྣང
69b6 སྲིད་ཐམས་ཅད་གསལ་བར་བསྒོམ།། སྣོད་བཅུད་འཇིག་རྟེན་ཐམས་ཅད་གསལ་བར་བསྒོམ།། དེ་ལ་མ་མོའི་རང་བཞིན་ནི།། བྱང་ཆུབ་སེམས་ཀྱི་སྤྲུལ་པ་ཡིན།། རང་བྱུང་རང་སར་གདལ་བ་ཡིན།། བདལ་བས
iiif viewer powered by OpenSeadragon
