| e-texts navigator |
| Wylie |
68b1 བརྒྱད་ཚོགས།། སྔངས་ཤིང་བྲེད་ནས་ཁ་སྒྲུབ་འགྱེལ།། དེ་ནས་སྲོག་འཕྲོག་པའི་སྙིང་པོ་འདི་བརྗོད་དོ།། ཨོཾ་བཛྲ་ཨ་མྲྀ་ཏ། ཨུ་ཙི་ཏ། ཙིཏྟ་ནན། ཏྲ་ཟ་པྲ་ཝེ་ཤ་ནན། ཙིཏྟ་སྙིང་ཁ་རག་ནན། གདན་དུ་གདིང་བའི་ལེའུ
68b2 སྟེ་ལྔ་པོའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཆེན་མ་རྣམས་ཀུན།། འདུལ་བའི་སྙིང་པོ་ཇི་ལྟར་ལགས།། དབང་ཆེན་ཡབ་ལ་བདག་ཉན་འཚལ།། དབང་ཆེན་ཡབ་ཀྱིས་བཀའ་སྩོལ
68b3 ཅིག། དེ་སྐད་གསོལ་པ་གསན་ནས་ཀྱང་།། དབང་ཆེན་ཡབ་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། མ་མོ་རྣམས་ཀྱི་གཉེན་པོ་ནི།། དཔལ་ཆེན་ཁྲག་འཐུང་མ་མོའི་རྗེ།། ཡུམ་ཆེན་ཉིད་བཞི་མུ་ཁ
68b4 ལེ།། ཉི་ཟླ་ཐོད་ཕྲེང་དཀར་མོ་དང་། ཁྲོས་པའི་དབང་ཆེན་བཞི་པོ་དང་།། དེ་རྣམས་ལ་བས་གཞན་རྣམས་དང་།། ཡེ་ཤེས་ལས་བསྐྱེད་མ་མོ་ཡིས།། སྲིད་པའི་མ་མོ་ཐམས་ཅད་འདུལ།། དེ་རྣམས་བསྒོམས་ཤིང
68b5 བསྐུལ་བས་འདུལ།། ཡང་ན་མ་མོའི་གཉེན་པོ་ནི།། སྙིང་ཁྲག་དབང་དུ་བསྡུས་ནས་ནི།། མི་སྲུན་གཉེན་པོར་དེ་ཆེ་སྟེ།། མ་མོ་རྣམས་ཀྱང་དུར་ཁྲོད་ཝ་སྐྱ་བཞིན།། བརྒྱལ་བར་འགྱུར་ཞིང་འགས་པར་འགྱུར།། ཐུགས
68b6 ལ་བརྣག་པའི་སྔགས་འདི་བརྗོད།། མ་ན་ས་མ་ཏི་ཧི་ཨི་ཨི་ཙིཏྟ་ནན། ཏྲ་ཐ་ཕཊ་ནན། དེ་སྐད་ཅེས་ནི་བརྗོད་ནས་སུ།། རང་དབང་མེད་པར་དབང་དུ་སྡུད།། ཡང་ན་བདུད་མོ་བཅུ་གཉིས་ནི།། འཇིག་རྟེན་འདི་ལ
iiif viewer powered by OpenSeadragon
