| e-texts navigator |
| Wylie |
68a1 སྟེ་བཞི་པའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཆེན་མ་རྣམས་ཀུན།། གདན་དུ་གདིང་ན་ཇི་ལྟར་ལགས།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས
68a2 གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ། སྲིད་པའི་དབང་ཆེན་མོ་རྣམས་ཀུན།། གདན་དུ་གདིང་བ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི
68a3 གཙོ།། ངས་བསྟན་པ་ལ་ཐེ་ཚོམ་མེད།། དྲག་པོའི་འོད་ཟེར་ལྕགས་ཀྱུ་ཡིས།། དབང་ཅན་མོ་རྣམས་བཀུག་ནས་སུ།། ཆགས་པ་གནས་སུ་སྦྱང་བའི་ཕྱིར།། རྒྱ་མཚོ་ཉི་ཟླ་ཐོད་ཕྲེང་གཉིས།། ཆགས་པའི་གདན་དུ་གདིང
68a4 བར་བྱ།། ཞེ་སྡང་གནས་སུ་སྦྱང་བའི་ཕྱིར།། སྒྲོལ་བྱེད་དཀར་མོ་མིག་གཅིག་གཉིས།། ཞི་བའི་གདན་དུ་གདིང་བར་བྱ།། ང་རྒྱལ་གནས་སུ་སྦྱང་བའི་ཕྱིར།། དབང་སྡུད་མ་དང་རལ་གཅིག་གཉིས།། རྒྱས་པའི་གདན
68a5 དུ་གདིང་བར་བྱ།། འདོད་ཆགས་གནས་སུ་སྦྱང་བའི་ཕྱིར།། བདུད་རྩི་མ་དང་དམར་མོ་གཉིས།། དབང་གི་གདན་དུ་གདིང་བར་བྱ།། ཕྲག་དོག་གནས་སུ་སྦྱང་བའི་ཕྱིར།། གནས་འཕྲུལ་མ་དང་སེར་མོ་གཉིས།། དྲག
68a6 པོའི་གདན་དུ་གདིང་བར་བྱ།། རྒྱན་གྱི་རྒྱལ་མོ་དབྱིངས་སུ་ཕྱུག་དང་།། བདག་ཉིད་མ་དང་གཅིག་པུ་མ།། མཚམས་དང་མཚམས་སུ་བསྒྱེལ་ནས་སུ།། ཆགས་པའི་གདན་དུ་གདིང་བར་བྱ།། དབང་ཅན་དྲུག་ཅུ་རྩ
iiif viewer powered by OpenSeadragon
