| e-texts navigator |
| Wylie |
65b1 ལ་ཞལ་གསུམ་ཕྱག་དྲུག་པར་གྱུར་ཏོ་ཕྱག་གཡས་དང་པོ་ན་པདྨ་བསྣམས་པ། བར་མ་ན་ཞགས་པ། ཐ་མ་ན་ཅེ་སྤྱང་འཛིན་པ། གཡོན་དང་བོ་ན་བྷནྡ་བསྣམས་པ། བར་མ་ན་ཏྲི་ཤུལ་བསྣམས་པ། ཐ་མ་ན་ཞིང
65b2 ཆེན་ཐོགས་ནས་སྙོད་པར་བསྒོམ་མོ།། ཞབས་བཞི་བརྐྱང་བསྐུམ་དུ་བཞུགས་པར་བསྒོམ་མོ།། ལྷོ་ཕྱོགས་འཁོར་ལོའི་རྩིབས་སྟེངས་སུ། དབང་སྡུད་མ་དང་རལ་གཅིག་མ་གཉིས་བསྣོལ་བའི་གདན་སྟེངས་སུ། བྱང
65b3 ཆུབ་ཀྱི་སེམས་ཡི་གེ་ཧ་ལས། ཨོཾ་ཛྭ་ལ་རཾ་ཧ་དྷྲིག་ཅེས་བརྗོད་པས། མཁའ་འགྲོ་མ་འོད་གསལ་འབར་གྱི་སྐུར་སལ་གྱིས་གྱུར་ཏེ། སྐུ་མདོག་སྔོན་མོ་ལ་ཞལ་གསུམ་ཕྱག་དྲུག་པར་བསྒོམ་མོ།། ཕྱག་གཡས་དང་པོ་ན
65b4 རིན་པོ་ཆེ་འབར་བ་བསྣམས་པ། བར་མ་ན་མེ་དཔུང་འབར་བ་བསྣམས་པ། ཐ་མ་ན་སྟག་མོ་འཛིན་པ། གཡོན་དང་པོ་ན་བྷནྡྷ། བར་མ་ན་དབྱུག་ཐོ་འབར་བ། ཐ་མ་ན་ཞིང་ཆུང་སྦྲམ་པོ་བཟུང་ནས་སྙོད་པར་བསྒོམ
65b5 མོ།། ཞབས་བཞི་བརྐྱང་བསྐུམ་དུ་བཞུགས་པར་བསྒོམ་མོ།། འཁོར་ལོའི་ལྟེ་བའི་དབུས་ཀྱི་དཀྱིལ་འཁོར་ན། དཔལ་ཆེན་མོ་བསྒོམ་པའི་གཡས་ཕྱོགས་སུ། མ་མོ་ཕྲ་མེན་མ་རྒྱ་མཚོ་མ་དང་། ཉི་ཟླ་ཟོད་ཕྲེང་མ་གཉིས
65b6 བསྣོལ་བའི་གདན་སྟེངས་སུ། བྱང་ཆུབ་ཀྱིས་སེམས་ཡི་གེ་ཧ་ལས། ཨོཾ་མ་ཧཱ་ལཾ་ཏེ་ཧ་དྷིག་ཅེས་བརྗོད་པས། ཡུམ་བཀྲག་གསལ་མར་སལ་གྱིས་གྱུར་ཏེ།། སྐུ་མདོག་སེར་མོ་ལ་ཞལ་གསུམ་ཕྱག་དྲུག་པར་བསྒོམ
iiif viewer powered by OpenSeadragon
