| e-texts navigator |
| Wylie |
63b1 མོ།། དེའི་སྟེང་དུ་མ་དམར་མོ་གཅིག་གསལ་ནས། དེའི་སྟེང་དུ་བྷྲཱུཾ་སྨུག་ནག་གཅིག་བསྒོམ་མོ།། དེ་ལས་འོད་ཟེར་འཕྲོས་པས་འཕགས་པའི་ཐུགས་དམ་གྱི་རྒྱུད་བསྐུལ། འགྲོ་བ་སེམས་ཅན་གྱི་དོན་བྱས་ནས་སླར
63b2 འདུས་པ་ལས།། བྷྱཱཾ་བི་ཤྲ་བི་ཤུདྡྷེ་ཛྙཱ་ན་ཙཀྲ་བྷནྡ་བྷྲཱུཾ།། ཞེས་བརྗོད་པས་ཡེ་ཤེས་ཀྱི་གཞལ་ཡས་ཁང་གྲུ་བཞི་སྒོ་བཞི་དང་ལྔ་པ། སྒོ་ཁྱུད་རྟ་བབས་དང་ལྡན་པ་གཅིག་ཏུ་གྱུར་པར་བསྒོམ་མོ།། གཞལ་ཡས་ཁང་དེའི
63b3 ནང་དུ་དུར་ཁྲོད་ཀྱི་རྒྱན་མང་པོས་བརྒྱན་པར་བསྒོམ་མོ།། དེའི་སྟེང་དུ་མ་དམར་མོ་གཅིག་གསལ་བར་བསྒོམ་མོ།། དེ་ལས་མ་སཱུརྱ་མཎྜལ་ཞེས་བརྗོད་པས།། ཉི་མའི་དཀྱིལ་འཁོར་དུ་གྱུར་པར་བསྒོམ་མོ།། དེའི་སྟེང
63b4 དུ་ཨ་དཀར་པོ་གཅིག་གསལ་བ་ལས།། ཨ་ཙནྡྲ་མཎྜལ་ཞེས་བརྗོད་པས། ཟླ་བའི་དཀྱིལ་འཁོར་དུ་གྱུར་པར་བསྒོམ། ཉི་ཟླའི་སྟེང་དུ་ཙཀྲ་མཎྜལ་ཞེས་བརྗོད་པས། འཁོར་ལོ་རྩིབས་བཞི་པ་གཅིག་ཏུ་གྱུར་པར
63b5 བསྒོམ་མོ།། དེའི་སྟེང་དུ་མ་ཧཱ་དེ་ཝ་ཕོ་མོ་བསྒོམ་ལ། མ་ཧཱ་དེ་ཝཱ་ཨུ་མ་དེ་ཝཱི་ཁ་ཊྭཱཾ་ག་ཏི་ར་བཾ་ཞེས་བརྗོད་པས། དབང་ཕྱུག་ཆེན་པོ་གན་རྒྱལ་དུ་བསྒྱེལ་ནས་གདན་དུ་བཏིང་བར་བསྒོམ་མོ།། དེའི་སྟེང་དུ་རྒྱུའི་ཡི་གེ་ཨོཾ
63b6 དཀར་པོ་བཀྲ་ས་མེ་བསྒོམ་མོ།། ཨོཾ་དེ་ལས་འོད་ཟེར་འཕྲོས་འདུས་པ་ལས། བྱང་ཆུབ་སེམས་སུ་གྱུར་པར་བསྒོམ་མོ།། དེ་ཡང་སྣང་སྲིད་སེན་མོ་ཙམ་ཡང་མ་གཡོས་པའི་ཐིག་ལེར་གསལ་བར་བསྒོམ་མོ། ཐིག་ལེ་དེ
iiif viewer powered by OpenSeadragon
