| e-texts navigator |
| Wylie |
62b1 བར་བྱེད་པའི་སྨན་ཡང་ཡིན།། འཆི་བར་བྱེད་པའི་དུག་ཀྱང་ཡིན།། ཅེས་བཀའ་སྩལ་པ་དང་།། འཁོར་རྣམས་དམས་ནས་ཡ་མཚན་སྐྱེས་སོ།། མ་མོའི་ལྟ་བའི་ལེའུ་སྟེ་གསུམ་པའོ།། །། གནོད་འདུལ་ལྷ་ཡིས
62b2 ཡང་གསོལ་པ།། སེམས་ཅན་ཀུན་ལ་ཕན་གདགས་ཕྱིར།། བསྒོམ་པའི་དོན་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་རྒྱལ་པོས་བཀའ
62b3 སྩལ་པ།། བསྒོམ་པའི་དོན་འདི་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་གསུང་བ་ལ་སེམས་མ་ཡེངས།། དེ་ལ་དང་པོ་དེ་བཞིན་ཉིད་ཀྱི་ཏིང་ངེ་འཛིན་ནི། སྣང་སྲིད་ཐམས་ཅད་མ་བྱུང་མ་སྐྱེས་པར
62b4 བསྒོམ། དེ་ནས་ཀུན་ཏུ་སྣང་བའི་ཏིང་ངེ་འཛིན་ནི། སྙིང་རྗེ་ནམ་མཁའི་ངོ་བོ་ལྟར།། སྣང་ལ་རང་བཞིན་མེད་པར་བསྒོམ།། དེ་ནས་རྒྱུ་ཡི་ཏིང་ངེ་འཛིན་ནི།། ཨོཾ་དཀར་པོ་བཀྲ་ས་ལེ་བསྒོམ། ཨོཾ་དེ་ལས་འོད་འཕྲོས
62b5 པས་འཕགས་པའི་ཐུགས་ཀྱི་རྒྱུད་བསྐུལ། འགྲོ་བ་སེམས་ཅན་གྱི་དོན་བྱས་ནས།། སླར་འདུས་པ་ལས་ཡེ་ཤེས་ལྔར་གྱུར་པར་བསྒོམ་མོ།། ཡེ་ཤེས་ལྔ་ཡི་འོད་ཟེར་ལས།། ཨེ་ཏཾ་མཾ་སུ་ཀོ་པྱཾ་ལཾ་བྷྲཱུཾ།། ཞེས་བརྗོད
62b6 པས།། ཡི་གེ་དེ་རྣམས་རིན་ཆེན་རྩར་ལ་བརྒྱུས་པ་བཞིན་དཀར་ཁྲིགས་སེ་བསྒོམ་མོ།། དེ་ནས་ཨེ་བྷ་ག་ཝ་པདྨ་མཎྜལ་ཞེས་བརྗོད་པས། ཡི་གེ་ཨེ་ལས་གསེར་གྱི་འཁོར་ལོ་རྩིབས་སྟོང་དང་ལྡན་པ་གཅིག་ཏུ
iiif viewer powered by OpenSeadragon
