| e-texts navigator |
| Wylie |
61b1 ནོ།། གདམས་པའི་གསང་བའི་དམ་ཚིག་ནི།། གདམས་པ་བཞིན་དུ་མ་ཉན་ཏེ།། གསང་བ་མ་ཐུབ་འབྲས་བུ་ནི།། ཏིལ་འབྲུ་ཙམ་ཡང་ཐོབ་མི་འགྱུར།། དངོས་གྲུབ་ཉིད་ཀྱང་རིང་བ་དང་།། དེ་ནི་རིགས་ཀྱང་ཡོད་མི
61b2 བྱེད།། ཅེས་བཀའ་སྩལ་ཏོ།། མན་ངག་དམ་ཚིག་གི་ལེའུ་སྟེ་གཉིས་པའོ།། །། གདོན་འདུལ་ལྷ་ཡིས་ཡང་གསོལ་པ།། རྣལ་འབྱོར་ཟབ་མོའི་དོན་སྤྱོད་ལ།། ལྟ་བའི་དོན་གྱིས་ཕན་གདགས་པ།། བདག་གིས་ནན
61b3 ཏན་ཇི་ལྟར་བསྐྱེད།། རྟག་ཆེན་ཡབ་ལ་བདག་ཉན་འཚལ།། རྟག་ཆེན་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྟག་ཆེན་ཡབ་ཀྱིས་བཀའ་སྩལ་པ།། རྣལ་འབྱོར་ཟབ་མོའི་དོན་སྤྱོད་ལ།། ལྟ
61b4 བའི་དོན་གྱིས་ཕན་གདགས་པ།། ཡང་དག་ཉིད་དུ་ངས་བསྟན་གྱི།། ཉོན་ཅིག་གཡུང་དྲུང་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། སྣོད་ཀྱི་འཇིག་རྟེན་ཤེས་བྱའི་ཡུལ།། བཅུད་ཀྱི་འཇིག་རྟེན་རིག་པ་སྟེ།། ཡུལ
61b5 དང་རིག་པ་གཉིས་མེད་དོན་གྱིས་བལྟ་བར་བྱ།། མ་མོ་མཁའ་འགྲོ་སྐྱབས་དང་གྲོགས་སུ་བལྟ།། སྣོད་ཀྱི་འཇིག་རྟེན་ཆོས་ཀྱི་དབྱིངས།། བཅུད་ཀྱི་འཇིག་རྟེན་ཡེ་ཤེས་ཆེ།། དབྱིངས་དང་ཡེ་ཤེས་གཉིས་མེད་དོན་གྱིས
61b6 བལྟ།། ཐབས་དང་ཤེས་རབ་འདུ་བྲལ་མེད་པར་བལྟ།། ཡབ་ཡུམ་རོལ་པ་བྱང་ཆུབ་སེམས་སུ་བལྟ།། མ་མོ་མཁའ་འགྲོ་བྲན་དང་གཡོག་ཏུ་བལྟ།། སྤྲུལ་པ་སྣ་ཚོགས་འཕྲོ་འདུ་དབྱིངས་སུ་བལྟ།། སྣང་སྲིད་ཐམས་ཅད
iiif viewer powered by OpenSeadragon
