| e-texts navigator |
| Wylie |
61a1 ནོར་བུ་མ་བཙལ་རྙེད།། ཡེ་ཤེས་ཉི་མ་རང་ལ་ཤར།། ཆེན་པོ་ལྔ་ཡི་ངང་ཉིད་དུ།། ཐམས་ཅད་མ་ལུས་སངས་རྒྱས་སོ།། གསང་བ་གཏན་ཚིགས་ཀྱི་ལེའུ་སྟེ་དང་པོའོ།། །། གནོད་འདུལ་ལྷ་ཡིས
61a2 ཡང་གསོལ་པ།། ཐེག་པ་དམན་པའི་འོག་མ་དང་།། སྐྱེ་བོ་དམ་མེད་དམ་ཉམས་ལ།། མི་བསྟན་སྦ་བའི་དམ་ཚིག་གང་།། བདག་གིས་ནན་ཏན་ཇི་ལྟར་བགྱི།། མངོན་སངས་རྒྱས་ལ་བདག་ཉན་འཚལ།། མངོན་སངས
61a3 རྒྱས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་སངས་རྒྱས་ཀྱིས་བཀའ་སྩལ་པ།། ཐེག་པ་དམན་པའི་འོག་མ་དང་།། སྐྱེ་བོ་དམ་མེད་དམ་ཉམས་ལ།། མི་བསྟན་སྦ་བའི་དམ་ཚིག་ནི།། ཐེ
61a4 ཚོམ་མེད་པར་ངས་བསྟན་གྱི།། ངས་གསུང་པ་ལ་རྩེ་གཅིག་སེམས་སྐྱེད་ཅིག། ཐེག་པ་འོག་མ་རྣམས་ལ་གསང་བ་ནི།། རྟོགས་པའི་ལྟ་བ་ཆེན་པོ་གསང་།། མཛད་སྤྱོད་ངོ་མཚར་ཆེན་པོ་གསང་།། རྡོ་རྗེ་སློབ་དཔོན
61a5 སྒྲུབ་རོགས་གསང་།། མ་མོ་བརྟེན་པའི་དམ་རྫས་གསང་།། སྒྲུབ་པར་བྱེད་པའི་ལག་ཆ་གསང་།། བཟླས་པར་བྱ་བའི་སྔགས་རྣམས་གསང་།། བསྒྲུབ་པའི་གནས་ཀྱང་དེ་བཞིན་ནོ།། བསྒྲུབ་པའི་དུས་ཀྱང་དེ་བཞིན
61a6 ནོ།། བསྒྲུབ་པའི་རྟགས་ཀྱང་དེ་བཞིན་ནོ།། དངོས་གྲུབ་རྟགས་ཀྱང་སྔ་མ་བཞིན།། བླང་བའི་ཐབས་ཀྱང་གསང་བར་བྱ།། དབང་དུ་བསྡུ་བའི་ཐབས་ཀྱང་རབ་ཏུ་གསང་།། བཀོལ་བའི་ཐབས་ཀྱང་དེ་བཞིན
iiif viewer powered by OpenSeadragon
