| e-texts navigator |
| Wylie |
60b1 བཟླའོ།། གཡུང་དྲུང་ལྷ་ཡིས་ཡང་གསོལ་པ།། ཡུམ་གྱི་དབྱིངས་ཤེས་གང་ལ་བགྱི།། ཡབ་ཀྱི་མཁའ་ཞེས་གང་ལ་བགྱི།། བླང་དོར་མེད་པ་གང་གིས་འགྲུབ།། འཁོར་བའི་གནས་འདི་མི་འཚལ་ལམ།། ཀློང་ཞེས་བྱ་བ་ཇི་ལྟར་ལགས།། དེ་སྐད
60b2 གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། འདུ་འབྲལ་མེད་པ་ཡུམ་གྱི་དབྱིངས།། སྐྱེ་ཤི་མེད་པ་ཡབ་ཀྱི་མཁའ།། བདེ་བ་ཆེན་པོའི་དོན་རྟོགས་ན།། བླང་དོར་མེད་པ་དེ་ཡིས
60b3 འགྲུབ།། གཉིས་མེད་དོན་རྟོགས་དེ་ཡི་དང་།། རྡོ་རྗེ་སེམས་དཔས་ཡང་གསོལ་པ།། ཆོས་ཉིད་རྟག་པའི་གཡུང་དྲུང་ལ།། སེམས་ཉིད་རྟག་པའི་བློས་བཞག་ན།། འགྱུར་མེད་དོན་ཞེས་རུང་ལགས་སམ།། ཡང་དག་རྫོགས་ཀྱིས་བཀའ་སྩལ
60b4 པ།། ཉོན་ཅིག་གཡུང་དྲུང་ཡང་དག་པ།། ཆོས་ཉིད་རྟག་པའི་གཡུང་དྲུང་ལ།། སེམས་ཉིད་རྟག་པའི་བློ་བཞག་པ།། རྫོགས་པའི་ལྟ་བ་ལ་དོར་རོ།། རྡོ་རྗེ་སེམས་དཔས་ཡང་གསོལ་པ།། མ་ཞེས་བྱ་བ་གང་གི་དབྱིངས།། མོ་ཞེས་བྱ་བ་གང་གི
60b5 ཀློང་།། མ་མོའི་གཏན་ཚིགས་ཇི་ལྟར་ལགས།། འབྱུང་བ་ལྔ་པོ་གང་ལས་གྲུབ།། སངས་རྒྱས་དགོངས་པ་གང་གིས་འགྲུབ།། བདེ་བ་ཆེན་པོའི་ངང་ཉིད་ལས།། རྒྱུ་རྐྱེན་གཉིས་ཀྱིས་བསྐྱེད་ལགས་སམ།། འབྱུང་བ་ལྔ་ཡི་ངང་ཉིད
60b6 ལས།། འདི་ལ་འཕོ་འགྱུར་མཆིས་ལགས་སམ།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། མ་མོའི་དོན་རྣམས་རྟོགས་པའི་ཕྱིར།། མ་མོའི་ས་རྣམས་ངེས་པར་ཐོབ།། ཡིད་བཞིན
iiif viewer powered by OpenSeadragon
