| e-texts navigator |
| Wylie |
60a1 དག། རྟག་ཆད་རྣམ་གཉིས་མྱ་ངན་འདས།། གཡུང་དྲུང་ལྷ་ཡིས་ཡང་གསོལ་པ།། སྟོན་པ་རྣམ་གསུམ་གང་ལ་བགྱི།། སྡུད་པ་རྣམ་གསུམ་གང་ལ་བགྱི།། གནས་ཞེས་བགྱི་བ་ཇི་ལྟ་བུ།། གནས་ལ་ངེས
60a2 པ་དུ་ཞིག་མཆིས།། དུས་ཞེས་བྱ་བ་ཇི་ལྟ་བུ།། དུས་ལ་ངེས་པ་དུ་ཞིག་མཆིས།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང
60a3 དྲུང་ཡང་དག་པ།། སྟོན་པ་རྣམ་གསུམ་ཡེ་ཤེས་སྐུ།། སྡུད་པ་རྣམ་གསུམ་རིག་པའི་གཏེར།། འཕོ་འགྱུར་མེད་པས་གནས་ཞེས་བྱ།། ཡང་དག་དོན་རྟོགས་དུས་ཞེས་བྱ།། རྡོ་རྗེ་སེམས་དཔས་ཡང་གསོལ་པ།། ལྷ་ལ
60a4 རྣམ་པ་དུ་ཞིག་མཆིས།། འཁོར་ལ་རྣམ་པ་དུ་ཞིག་མཆིས།། ལུང་ལ་རྣམ་པ་དུ་ཞིག་མཆིས།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང
60a5 དག་པ།། ལྷ་ལ་རྣམ་པ་གསུམ་དུ་བསྟན།། འཁོར་ལ་རྣམ་པ་གསུམ་དུ་བསྟན།། ལུང་ལ་རྣམ་པ་གསུམ་དུ་བསྟན།། རྡོ་རྗེ་སེམས་དཔས་ཡང་གསོལ་པ།། རྒྱུད་ཅེས་བགྱི་བ་ཅི་ལྟར་ལགས།། ལུང་ཞེས་བགྱི་བ་ཇི་ལྟར་ལགས།། མན་ངག་བགྱི
60a6 བ་ཇི་ལྟར་ལགས།། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། རྒྱུད་ཅེས་བྱ་བ་འབྲེལ་པའི་བཀའ།། ལུང་ཞེས་བྱ་བ་སྟོན་པའི་བཀའ།། མན་ངག་ཅེས་བྱ་ལ
iiif viewer powered by OpenSeadragon
