| e-texts navigator |
| Wylie |
59a1 བྲལ།། རྡོ་རྗེ་ལུས་ཀྱི་དྲ་བ་ལས།། སྤྲུལ་པའི་སྐུ་བྱུང་ངོ་མཚར་ཆེ།། དེ་ནས་སྔགས་ཀྱི་ཡི་གེ་ནི།། ལོངས་སྤྱོད་རྫོགས་པ་རྨད་བྱུང་ཆོས།། སེམས་ཅན་ལུས་བཅུད་ཁམས་ཀྱི་བདེ།། དེ་ཉིད་མི་རྟོག་ཆོས་སྐུ
59a2 གནས།། ཡང་གསལ་རང་བཞིན་སྙིང་པོ་མེད།། དེ་ཉིད་ངོ་བོ་ཉིད་དུ་དག། སྐུ་བཞིའི་སྙིང་པོར་རང་ཤར་བས།། རྡོ་རྗེ་ཐེག་པ་སྐུ་ལྔའི་བདག། གསང་སྔགས་གསང་བའི་རྒྱུད་ལས་བྱུང་།། སངས་རྒྱས་ཀུན་གྱི་ཡེ་ཤེས
59a3 གང་།། སེམས་ཅན་ཀུན་གྱི་སྙིང་ལ་གནས།། བུད་མེད་རྒྱུད་ཀྱི་དོན་རྣམས་ནི།། འབྱུང་བ་ལྔ་ཡི་རྒྱུད་ལས་གྲུབ།། གསང་བའི་དབང་ཕྱུག་དཔའ་བོ་ལ།། རིག་པའི་ཡེ་ཤེས་ངང་དུ་འདུས།། དེ་ཉིད་བཅོམ་ལྡན་རྣལ
59a4 འབྱོར་ཆེ།། ཧེ་རུ་ཀ་ལ་འདུད་ཕྱག་བསྟོད།། ཅེས་གསུངས་སོ།། དེ་ནས་སྟོན་པས་རྒྱུད་ཡོངས་སུ་གཏད་པ་འདི་གསུངས་སོ།། གང་གིས་འབྱུང་བ་ནམ་མཁའ་འཛིན།། དེ་ནི་བཀྲག་གསལ་མཉམ་དུ་གནས།། ས་ནི
59a5 རྣམ་སྣང་གསལ་དུ་བསྟན།། མེ་ནི་འོད་གསལ་འབར་བ་ལས།། ཆུ་ནི་གཉེན་གསལ་མ་ཡིན་ཏེ།། རླུང་ཞེས་བྱ་བ་ཡང་གསལ་གཡོས།། འབྱུང་བ་ལྔ་དག་མུ་ཁ་ལེ།། ཆོས་ཀྱི་དབྱིངས་ཀྱི་རྒྱུད་འདི་ཡི།། བུད་མེད་སྟོང་པ
59a6 ཉིད་དུ་གནས།། དེ་མཚོན་ཐབས་ཀྱི་ཕྱག་རྒྱ་ཆེ།། དྲ་བའི་ངེས་པ་རྒྱུད་འདི་ལོང་། ཐབས་ཀྱི་སྦྱོར་བའི་སྟོང་ཉིད་འདི།། བདེ་བྱད་བུད་མེད་ལག་ཏུ་བྱིན།། དེ་ཟླ་གསང་བའི་ཐིག་ལེ་ཉིད།། མིག་ལྡན་དབང་ཕྱུག་སྒྲོམ་དུ
iiif viewer powered by OpenSeadragon
