| e-texts navigator |
| Wylie |
57a1 མོངས་པ་དང་མ་བཞི་ལས།། མོས་པ་ཆུང་བའི་ལམ་ཆོད་ནས། སྙིང་གར་མཆོག་ཏུ་དགའ་བ་ནི།། གཉིས་གསུམ་བཞི་ཆ་ཞི་མ་ཡིན།། དམིགས་པ་ཕྲ་བའི་ལམ་ཡང་ཆོད།། གཉིས་པོས
57a2 བདེ་བ་ལོངས་སྤྱོད་སྐུ།། ལྟེ་བར་མི་རྟོག་ཟུང་ཆུད་བརྒྱན།། དགའ་བྲལ་ཀུན་གཞི་བྱང་ཆུབ་ལམ།། བག་ལ་ཉལ་དང་མི་རྟོག་པ།། སྤྲོས་པ་ཞི་བ་ཆོས་སྐུ་སྟེ།། གསང་བའི་གནས་སུ་སྤྲུལ་པའི་སྐུ།། རྟོགས་པའི་ངོ་ལ
57a3 འཁོར་འདས་དག། དེ་ཉིད་མེ་ལོང་ཡེ་ཤེས་ཆེ།། དེ་བཞིན་མཉམ་པ་ཉིད་རྟོགས་བྱེད།། ཀུནྡ་མི་རྟོག་ཆོས་རྣམས་རྟོགས།། ཐམས་ཅད་གཉིས་མེད་ཡེ་ཤེས་གྲུབ།། མི་རྟོག་དོན་གྱི་ཆོས་ཀྱི་དབྱིངས།། ཡེ་ཤེས་རྣམ་པ་ལྔ
57a4 རྫོགས་བྱེད།། ཡེ་ཤེས་རྣམ་ལྔའི་ཆུ་བོ་ཡིན།། བྲམ་ཟེ་མོ་དང་གཡུང་མོ་དང་།། གར་མཁན་མ་དང་ཚོས་མ་དང་།། གཏུམ་མོ་ལྔ་ནི་ཕྱག་རྒྱ་ཉིད།། རིགས་ངན་བུད་མེད་ལྔ་རྫོགས་བྱེད།། འདོད་ཡོན་དམ་ཚིག་ཡེ་ཤེས
57a5 དང་།། མིང་དོན་བླ་མེད་ཧེ་རུ་ཀའི།། མིང་བྲིས་བཅུ་གཉིས་རྫོགས་པ་དང་།། ལྷ་དང་དཀྱིལ་འཁོར་ཕྱག་རྒྱ་སྔགས།། དེ་ཉིད་བཞི་དང་ལྡན་གྱུར་ན།། ཤེས་རབ་ཡེ་ཤེས་ལམ་གྱི་མཆོག། གསང་དང་བདེ་བ་བཞི
57a6 མཐར་ཕྱིན།། ཤིན་ཏུ་རྣམ་དག་སྤྲོས་བྲལ་ཐོབ།། ཅེས་གསུངས་སོ།། མ་མོ་སྲིད་པའི་ཟླ་གསང་ལས།། ཡེ་ཤེས་ཀྱི་རྗེ་མོ་ཐུགས་དགྱེས་སྡེའི་མན་ངག་སྟེ་ལེའུ་བཅུ་པའོ།། །། དེ་ནས་བཅོམ་ལྡན་འདས་ཀྱིས་སྲིད
iiif viewer powered by OpenSeadragon
