| e-texts navigator |
| Wylie |
54a1 ཡོད།། རྐང་གཉིས་ལ་ནི་སྐད་རྣམས་འབྱུང་།། དེ་ལ་ཟས་ཀྱི་ལོངས་སྤྱོད་གསོལ།། བཞི་གཉིས་རང་གི་སྙིང་ཡིན་ཏེ།། དེ་ལ་འཁོར་འདས་ཆོས་གནས་སོ།། བཅུ་ཚན་དྲུག་དང་དེ་སྟེང་བཞི།། མ་སྟེ་བུ་སྟེ
54a2 འབྲེལ་བར་སྤྲུལ།། མེ་དང་རླུང་གི་གནས་ནི་འོག། དེ་ཡང་གྲུ་གསུམ་འོད་མའི་གཞུ།། གཡས་ཀྱི་ཉི་མ་དམར་ཞིང་གདངས།། གཡོན་གྱི་ཟླ་བ་དཀར་ལ་གསལ།། དབུས་ཀྱི་ཀ་བ་བསྟན་པ་ནི།། པདྨའི་སྣལ་མ་ལྟ་བུར
54a3 ཕྲ།། ཆུ་ཤིང་སྙིང་པོ་འདྲ་བར་དྲངས། དྲང་།། ཏིལ་གྱི་མར་མེ་ལྟ་བུར་གསལ།། རྒྱ་སྐྱེགས་མེ་ཏོག་བཞིན་དུ་དམར།། སྤྱི་བོ་གདུགས་ཀྱི་རྣམ་པ་ལ།། མགྲིན་པ་སྦྲུལ་ཆུན་གཅུས་པ་སྟེ།། སྙིང་ག་གྲུ་གུ་བསྒྲིལ་བ
54a4 འདྲ།། ལྟེ་ཟུར་གཉིས་ནི་ལྗོན་ཤིང་སྐྱེས།། ཚིགས་ཆེན་བཅུ་གཉིས་སྐྲ་ཤད་འཛིངས།། སྟོང་ཕྲག་ལ་སོགས་པ་ཐག་བརྒྱངས།། འབར་བ་གཞུང་རིང་འཁོར་ལོ་གསུམ།། མེ་ཆུ་མཚལ་གྱི་དབང་པོས་མཐོང་།། མཚམས
54a5 ལ་གཡལ་བྱུང་མཁལ་མར་མིག། རྔམ་བྱེད་མ་ནི་རོ་ལ་སྤྱོད།། མཁལ་མའི་ནང་གཉིས་ཉམ་ང་བྱེད།། ཀུན་ཏུ་རྒྱལ་བ་དྲི་ལ་སྤྱོད།། རང་གསལ་སྒྲོགས་མ་སྒྲ་ཡིན་ཏེ།། བྱེད་པ་ཆེན་པོ་ཐམས་ཅད་དགྱེས།། རྐང་ལག
54a6 མཐེ་བོང་མྱ་ངན་འདས།། དེ་བཞིན་སྲིན་ལག་གདོན་དང་འདྲེ།། གསང་བ་རྡོ་རྗེ་པདྨ་འདྲ།། བྷ་ག་བདེ་བ་ཆེན་པོ་ལོངས་སྤྱོད་ཨ།། ཧཱུཾ་མི་ཤིགས་ཐིག་ལེ་ཆེན་པོ་ལ།། ཨོཾ་དཀར་སྐུ་སྟེ་ཨཱ་དམར་གསུང་།། སྭ་སེར་ཡོན
iiif viewer powered by OpenSeadragon
