| e-texts navigator |
| Wylie |
51b1 བྱ།། ནམ་མཁའ་དབྱིངས་ཀྱི་དཀྱིལ་གནས་པར།། པདྨའི་མཁའ་འགྲོ་བསྒོམ་པར་བྱ།། པདྨ་འབར་བའི་འོད་ཟེར་གྱིས།། འདོད་ཆགས་མི་ཡི་གནས་རྣམས་སྦྱངས།། ནམ་མཁའ་དབྱིངས་ཀྱི་དཀྱིལ་གནས་པ།། ལས
51b2 ཀྱི་མཁའ་འགྲོ་བསྒོམ་པར་བྱ།། རྡོ་རྗེ་རྒྱ་གྲམ་འཕྲོ་འདུ་ཡིས།། ང་རྒྱལ་ཕྲག་དོག་ལྷ་མིན་སྦྱངས།། ནམ་མཁའ་དབྱིངས་ཀྱི་དབུས་གནས་པར།། དེ་བཞིན་མཁའ་འགྲོ་བསྒོམ་པར་བྱ།། འཁོར་ལོའི་འོད་ཟེར་འབར
51b3 འཕྲོས་པས།། གཏི་མུག་བྱོལ་སོང་རིགས་རྣམས་སྦྱངས།། ལྷ་ཀླུ་མི་ལས་སྐྱེས་པ་ཡི།། བུ་མོ་རབ་ཏུ་མཛེས་པ་ནི།། པད་ཅན་དུང་ཅན་གླང་སྣ་ཅན།། རི་དྭགས་ཅན་དང་རི་མོ་ཅན།། བྱིན་བརླབ་དབང་བསྐུར་མཉམ
51b4 འདོད་པས།། རླུང་དང་ཤེས་པ་ཏིང་འཛིན་གྱིས།། བདེ་བ་ཆེན་པོ་སྐྱེད་བྱེད་པ།། བཅུ་དྲུག་དྭངས་ཤེས་ཏིང་འཛིན་གྱིས།། བདེ་བ་ཆེན་པོ་སྐྱེད་བྱེད་པ།། བཅུ་དྲུག་དགའ་བ་མྱོང་བར་བྱ།། ཡོན་ཏན་ནམ་མཁའི་མཐའ
51b5 དང་མཉམ།། བུད་མེད་རིགས་ཀྱི་དངོས་གྲུབ་འདིས།། མཁའ་འགྲོ་སྤྱོད་པའི་གནས་སུ་འགྲོ།། གསང་སྔགས་གསང་བའི་མཛད་སྤྱོད་ནི།། ཐབས་ཆེན་ཟླ་གསང་ཐིག་ལེ་ཡིན།། མ་མོ་སྲིད་པའི་ཟླ་གསང་ཐིག་ལེའི
51b6 རྒྱུད་ལས། མ་མོའི་རང་བཞིན་དབྱིངས་སུ་བསྟན་དང་འཕྲོ་མོའི་ཏིང་ངེས་འགྲོ་དྲུག་སྦྱང་བ་དང་། ཆགས་པའི་དགའ་བས་སངས་རྒྱས་པར་འགྲོ་བ་སྟེ་ལེའུ་དྲུག་པའོ།། །། དེ་ནས་བཅོམ་ལྡན་འདས་ཀྱིས་རྒྱུད
iiif viewer powered by OpenSeadragon
