| e-texts navigator |
| Wylie |
50b1 དང་།། ཏིང་འཛིན་གསུམ་དང་འབྱུང་བ་རིམ།། གཞལ་ཡས་གདན་དང་བཅས་པ་ལ།། རྗེ་མོ་བཅུ་བཞི་བཏིང་བ་ནི།། སྦྱོར་བའི་ལམ་ཞེས་བཤད་པ་ཡིན།། ཆོ་ག་གསུམ་ལས་ཡབ་ཡུམ་སྐུ།། བརྡས་བསྐུལ་མཁའ
50b2 བརླབ་སྦྱོར་བ་བྱ།། བྱང་སེམས་སྤྲོ་བསྡུས་རྒྱལ་མོ་ལྔ།། སྐུ་བསྐྱེད་སྤྱན་དྲང་བསྟིམ་པ་དང་།། སྤྲུལ་པའི་ཁྲོ་མོས་སྨན་མོ་དགུག། དམ་བཏགས་མནའ་བོར་དལ་དུ་བཀོད།། ཕྲིན་ལས་བཅོལ་བའི་གཉེར་གཏད
50b3 པ།། བསྒོམ་པའི་ལམ་དུ་བཤད་པ་ཡིན།། ཚོགས་ཀྱི་ཕུད་ཀྱིས་མ་མོ་མཆོད།། ལྷག་མ་སྨན་མོའི་ཚོགས་ལ་དབུལ།། ཚོགས་དང་ལྷག་མ་ལ་སོགས་ཏེ།། ལྷག་ཕུད་བསྲེས་ལ་ཕྲིན་ལས་བཅོལ།། ཏིང་འཛིན་བསར་ལ
50b4 བཟླས་པ་བྱ།། རྟགས་དང་མཚན་མ་མཐོང་བ་དང་།། བཟླས་པ་ཐེམ་པར་གྱུར་པ་ནི།། མཐོང་བའི་ལམ་དུ་བཤད་པ་ཡིན།། བསྙེན་པ་ཐེམ་པར་གྱུར་པ་དང་།། རང་གི་འདོད་པའི་དངོས་གྲུབ་བླང་།། སློབ་མའི་ཚོགས
50b5 ལ་དབང་བསྐུར་བ།། བྱ་བའི་ལས་རྣམས་གྲུབ་པ་ནི།། མཐར་ཕྱིན་པ་ཡི་ལམ་དུ་བཤད།། དེ་ཡི་དོན་རྣམས་ཡོངས་རྫོགས་པ།། རིག་འཛིན་ས་ལ་བགྲོད་པའམ།། ཡང་ན་སངས་རྒྱས་ས་ལ་འགྲོ།། བཅུ་གསུམ་ས་ལ
50b6 གནས་པའོ།། ཞེས་གསུངས་སོ།། མ་མོའི་རྒྱུད་ལུང་གསང་བའི་ཐིག་ལེ་ལས། ལམ་ལྔ་མཐར་ཕྱིན་པར་བསྟན་པའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་འཁོར་བ་རྣམ་པར་དག་པར་སྦྱོང་བ་ཞེས་བྱ
iiif viewer powered by OpenSeadragon
